Connect with us

Радовиш

Рудниците Бучим и Боров Дол ги објавија резултатите од работењето во текот на 2020 година

Media Press

Published

на

Рудникот Бучим произведува концентрат на бакар што содржи злато и сребро и, чист катоден бакар.

Вкупното производство на сув бакарен концентрат во 2020 година изнесуваше 28 484  тони (91% во споредба од 2019 година), што содржи  5 903 тони бакар (91% во споредба од 2019 година), 448 кг злато (76% во споредба со 2019 година) и 862 кг сребро (92% во споредба со 2019 година).

Фабриката за лужење на Бучим и во текот на 2020 година работеше ефикасно и постигна производство на 722 тони катоден бакар со квалитет 99,99% (100 % во споредба со 2019 година).

Во изминатата 2020 година, Бучим делуваше во насока на остварување на своите цели и задачи и оствари позитивен финансиски резултат, односно добивка пред оданочување во износ од 15 милиони евра (92% во споредба со остварениот резултат во 2019 година).

Рудникот плати данок на добивка на буџетот на Република Северна Македонија во износ од 1,5 милиони евра (92% во споредба со 2019 година).

За концесискиот надоместок за употреба на минерални суровини за 2020 година, исплатени се 1 милион евра од кои 78% во буџетот на општина Радовиш и 22% во буџетот на РСМ.

Просечната месечна исплатена нето-плата по вработен во 2020 година изнесуваше 564 евра (106% во споредба со 2019 година).

Во 2020 година, вкупните ESG инвестиции достигна износ од 472 илјади евра.

Квалитетот на воздухот во Бучим се следи на три мерни станици преку 24-часовни идикативни мерења на PM10 честичките. Во текот на 2020 година, нема забележано надминување на граничните вредности за квалитет на воздухот.

Рудникот Бучим по реализација и исполнување на обврските од оперативниот план, годинава од страна на Министерството за животна средина и просторно планирање доби А – Интегрирана еколошка дозвола.

Рудникот Бучим и минатата година покажа Општествена одговорност.

Бучим обезбеди поддршка за развојот на културните и спортските друштва, предучилишните, училишните, културните, јавните и здравствените институции во општина Радовиш. Рудникот активно се вклучи во борбата за справувањето со коронавирусот во Република Северна Македонија и покрај донирањето на заштитна опрема, додели и парични средства на Министерство за здравство, на здравствени домови во општините Радовиш, Штип и Струмица и на Општинска организација Црвен Крст во Радовиш.

Во 2020 година, исто така рудникот продолжи да ги обезбедува со техничка вода околните села Тополница и Бучим. Вкупно, за време на извештајниот период, за ова намена се испорачаа околу 50 илјади м³ вода.

Рудникот Боров Дол комплетно се посвети на извршување на сите задачи и успешно ги реализираше поставените планови за претстојното отпочнување со работа на рудникот.

Во 2020 година, Боров Дол во потполност ја реализираше изградбата на технолошките објекти. Завршена е изградбата на транспортната лента, објектот за примарно дробење и затворено складиште за руда. Инфраструктурните објекти и помошните згради се релизирани во обем од 95%, со состојба на 31 декември 2020 година.

Вкупната инвестиција во проектот Боров Дол достигна 69,5 милиони евра.

Боров Дол инвестираше 29,9 милиони евра во набавка на нова опрема и потроши 19,5 милиони евра за раскривка на рудното рело. Во 2020 година, Боров Дол ги заврши сите градежни работи, кои што достигнаа вредност од 17,1 милиони евра.

Во 2020 година, Боров Дол продолжи со инвестициската раскривка, при што се ископани 10 милиони тони искoпина (12,7 милиони тони во 2019 година). 

Вкупните ESG инвестиции во 2020 година изнесуваа 75.400 евра.

Во 2020 година нема пријавено инциденти или сознанија за загадување на животната средина во концесисикиот простор  на  Боров Дол.  Компанијата континуирано го следела биодиверзитетот и квалитетот на животната средина во областа на концесијата. Боров Дол вклучи ревизии и проценки од страна на независни експерти  од областа на животната средина, со цел да се следат потенцијалните ефекти и да се направат подобри еколошки одлуки за спречување на несаканите влијанија и подобрување на условите и состојбата со животната средина, како и осигурување на високо ниво на заштита на животната средина.

Во првото тримесечје од 2021 година, Боров Дол доби А-Интегрирана еколошка средина, а до крајот на годината компанијата планира да ги имплементира меѓународните системи за управување со квалитет и управување со животната средина според ISO 9001: 2015 и ISO 14001: 2015 

Боров Дол како општествено одговорна компанија постави нов систем за греење во градинката во општина Конче, осигурувајќи дека се обезбедени сите потребни услови за современ и безбеден престој на најмладите жители. Набави таблети и обезбеди годишна интернет конекција за учениците од социјално загрозените семејства во Конче. Ја поддржа реставрацијата на 200 годишната црква во Радовиш и помогна во реконструкцијата на локалната патна мрежа во Конче. Боров Дол, исто така обезбеди и заштитни маски и антисептици за локалните жители, со цел да се намали ризикот од ширењето на Ковид-19 вирусот.

Во текот на 2020 година, во Боров Дол нема пријавено сериозни повреди или смртни случаи при работа. За време на извештајниот период, вкупно 60 работници, од 101 вработени, беа дел од обуките во областа на безбедноста и здравјето при работа (БЗР).  Компанијата ги изврши сите потребни механички и електрични тестирања на работната опрема и објектите.

Радовиш

,,РАДОВИШАНКИ ЕТНО,, најдобри во автентичен фолклор на Меѓународниот фолклорен фестивал ,,ИЛИНДЕНСКИ ДЕНОВИ,,-Битола 2022

Media Press

Published

на

ЖФГ „Радовишанки етно“ беа дел од 52 издание на Фестивалот ИЛИНДЕНСКИ ДЕНОВИ во Битола, кој годинава започна на 18 јули и се одржуваше  до 30 јули, под мотото „Од корените до цветот”.

ПРВО МЕСТО за најуспешна група која презентираше традиционална музика и игра беше доделена на  ЖФГ „Радовишанки етно” од Радовиш, што беше највисока награда на Меѓународниот фолклорен фестивал ,, ИЛИНДЕНСКИ ДЕНОВИ,,-БИТОЛА 2022, од страна на стручното жири во кое членуваа д-р Владимир Јаневски, д-р Родна Величковска, д-р Мирјана Мирчевска, д-р Беким Рамадани и м-р Христијан Николовски

52-то издание на ИЛИНДЕНСКИ ДЕНОВИ заврши со доделување на награди за најдобрите македонски културно уметнички друштва и со интернационална вечер што ја приредија гости од Шпанија, Италија, Колумбија, САД, Србија и Полска, во Битола заврши 52 издание на Фестивалот на народни песни и игри „Илинденски денови”.

 Награда за најуспешна група која презентираше староградска музика и игра доби КУД „Далги” од Охрид, оркестарот на фолклорниот ансамбл „Китка” од Истибање доби награда за најуспешен изворен состав, вокалната солистка Дијана Анастасовска членка на КУД „Илинден”-Битола е прогласена за најдобра вокалистика, додека КУД „Илинден” од Струга се наградени за ансамбл кој презентира најуспешна и најкомплетна изворна носија.

52 -то издание на фестивалот кој го слави фолклорот и традицијата траеше 12 фестивалски ИЛИНДЕНСКИ ДЕНОВИ во оваа 2022 година.

Вкупно беа одржани 61 настан кои понудија неверојатната програма во која имаше концерти, изложби, промоции на книги, филмски проекции, перформанси, работилници за деца, стручни конференции …

Вкупно имаше 1.300 учесници и гости од 7 земји учеснички. Беа поставени 3 паралелни сцени и целиот град беше претворен во отворена сцена за настап.

Фестивалот ќе остане запаметен по огромна бројка на млада публика, нешто што било реткост на овој стар Фестивал.

Мотото на фестивалот е оправдано • Од коренот до цветот• потврдуваат од Центарот за култура, Битола.

Прочитај повеќе

Радовиш

ЈП Плаваја, Радовиш: ИЗВЕСТУВАЊЕ ВО ВРСКА СО ЗОНСКОТО ПАРКИРАЊЕ

Media Press

Published

на

ЈП Плаваја Радовиш пред официјалното започување на зонското паркирање во градот се соочуваат со проблеми околу оштетување на поставените тебли и сообраќајна сигнализација на улиците кои се обележани за зонско паркирање. Граѓаните од различни причини негодуваат на овој проект и тоа го искажуваат со уништување на таблите.

Од тие причини ЈП Плаваја излезе со известување до граѓаните во кое се вели:

„Во согласност со одлуките на Советот на општина Радовиш и одобрениот сообраќаен проект, ЈП”Плаваја” во рамките на своите надлежности меѓу кои спаѓаат и јавните паркиралишта во согласност со Законот за комуналните дејности, формира организациона структура на ниво на Одделение за јавни паркинзи кое ќе ги спроведува одлуките и правилниците во врска со начинот на користење и паркирање на јавните паркинзи во Радовиш, усвоени од страна на Советот на општина Радовиш на предлог на Градоначалникот на општина Радовиш Ацо Ристов.

Во соработка и постојана комуникација со Градоначалникот и општинската администрација, во изминатиот период направена е хоризонтална и вертикална сообраќајна сигнализација на локациите на кои е планирано зонското паркирање.

Во последните денови се поставуваат и информативните табли за начинот на паркирање (кои патем веќе ги оштетувате, вртите и на разни начини ја искажувате својата “креативност” во уништување на таблите, нешто што е обврска на општината и нејзините јавни претпријатија да го уредуваат јавниот простор, а на Вас кои сте над законот тоа ништо не Ви значи).

Поставувањето на информативните табли не значи и почеток на зонското паркирање туку подготовка за негово започнување.Сите правни и технички работи се во завршна фаза и Вие како крајни корисници ќе бидете навреме информирани за официјалниот почеток на зонското паркирање. Дотогаш Ве замолуваме да не ширите дезинформации и да не подлегнувате на улични муабети во врска со зонското паркирање. Единствена цел на зонското паркирање е решавање на сообраќајниот хаос и сообраќајната некултура кои за жал постојат во нашиот град и општина и најважно од се да не ја уништувате вертикалната сигнализација бидејќи нанесувате само штета, на таа локација ќе се постави нова табла или нов сообраќаен знак.

Ниту еднаш намерата ниту пак целта не била и не е богатење на грб на граѓаните или остварување на приходи, приходите и расходите се јавни и секогаш достапни преку објавување на финансиските извештаи на нашата интернет страница. Време е да покажеме дека имаме општествен и културен капацитет и како цивилизирани жители на оваа општина да започнеме да се однесуваме како што доликува и кон прописите и кон урбаната средина“, стои во известувањето и реакција од ЈП Плаваја во врска со актуелниот проект „Зонско паркирање“ кој предизвика различни реакции кај граѓаните.

Инаку пред неколку дена на последната седница на Совет, советниците го изгласаа ценовникот за паркирање и според него ќе се плаќа по 30 денари од час во прва зона и по 20 денари од час за втора паркинг зона. Граѓаните кои што немаат услови за сопствен паркинг ќе плаќаат по 300 денари месечно или по 3.600 денари годишно и ќе имаат право да се паркираат било каде на улицата на која што живеат, каде ќе има слободно место. Доколку имате и второ возило за него ќе платите 500 денари месечно или 6.000 денари годишно. А за резервирање на паркинг пред вашиот дом или деловен објект тоа ќе ве чини 40.000 денари годишно.

Прочитај повеќе

Радовиш

Во предвечерието на 2 Август Илинден, положено свежо цвеќе на споменикот на Гоце Делчев во Паркот на младите во Радовиш

Media Press

Published

на

Со положување на свежо цвеќе на споменикот на Гоце Делчев во Паркот на младите во Радовиш, одбележан големиот национален празник 2 Август, Илинден – Денот на Републиката.

Со положување на свежо цвеке беа одбележани 119 години од почетокот на Илинденското востание и 78 години од Првото заседание на АСНОМ.

Свежо цвеќе положија делегација на Општина Радовиш, делегација од Советот на Општина Радовиш, пратеникот во Собранието на Република Македонија од Радовиш Здравко Трајанов,  делегација на сојузот на борците, делегација на Здружението на пензионери од Радовиш и Конче и делегации на  ОК на ВМРО ДПМНЕ и делегација на ОО на СДСМ од Радовиш.

На 2 август 1944 година во Манстирот Прохор Пчински кај Куманово се одржа првото Антифашистичко собрание на НОБ на Македонија и на овој ден се удрени темелите на денешната држава Република Македонија.

Прочитај повеќе