Радовиш
Рудникот „Бучим“ од Радовиш, во партнерство со Музејот на љубовта и уметноста, ја најавува изложбата на детски уметнички творби „Иднината е сега“ која ќе биде отворена вечерва
Објавено на
Од
Media Press
Вечерва во Радовиш Изложба „Иднината е сега“ поддржана од Рудникот Бучим
Како дел од својата мисија за поддршка и развој на културните и општествените вредности во заедницата, ДПТУ „Бучим“ ДООЕЛ Радовиш, во партнерство со Музејот на љубовта и уметноста, со гордост ја најавува изложбата на детски уметнички творби „Иднината е сега“.
Изложбата ќе биде свечено отворена на 14 август 2025 година (четврток), во 18:00 часот, во Музејот на љубовта и уметноста – Радовиш
Поставката ќе опфати околу 70 уметнички дела, создадени од најмладите креативци од Радовиш по повод „Денот на детето“, од децата на вработените во рудниците „Бучим“ и „Боров Дол“, од најмладите учесници во детската градинка „Ацо Караманов“, како и од деца од странство кои учествуваа во меѓународниот проект „Иднината е сега“. Нивните искрени и шарени визии ќе понудат свеж и инспиративен поглед кон свет исполнет со природа, радост и заедништво.
Изложбата ќе биде збогатена со врвна музичка изведба на пијанистот Петар Трбојевиќ, кој со прецизна техника и уметничка зрелост ќе претстави внимателно одбран репертоар од класичната музичка литература, внесувајќи ја публиката во свет на извонредна музичка естетика и емоција.
Овој настан има за цел да ја промовира детската креативност, да ја збогати локалната културна сцена и да го зајакне чувството на заедништво во заедницата.
Ве покануваме да бидете дел од оваа инспиративна приказна и да ги поддржиме младите таленти од Радовиш, чии дела ни ја претставуваат иднината што сите ја посакуваме.
Поврзани содржини

5000 САДНИЦИ НА ГОТЕН: „БУЧИМ“ и ЈП „Национални шуми“ ја обновуваат опожарената површина

480 новогодишни пакетчиња за дечињата во детската градинка „Ацо Караманов“ -Радовиш донација од рудникот Бучим

Донација комбе, од Рудникот Бучим за потребите на Општина Радовиш

Нов управител застанува на чело на двата рудника Бучим и Боров Дол од Радовиш

Рудниците Бучим и Боров Дол ја продолжуваат традицијата за донирање на новогодишни пакетчиња, започнаа од градинката во Конче

Ќе има ли зголемување на платите на вработените во рудникот Бучим, согласно растот на инфлацијата?
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



