Во текот на првата недела од 2026 година (29.12.2025 – 04.01.2026), во Македонија се пријавени 1.725) случаи на групни пријави за заболени од грип/заболувања слични на грип, 2,2 пати повеќе во споредба со претходната недела (n=771). Бројот на пријавени лица оваа недела споредено со првата недела од минатата сезона (n=331) е зголемен за 5,2 пати, а во споредба со бројот за првата недела од типичната епидемиска крива (моделирана од последните 15 сезони) (n=1.244), зголемен е за 38,7% .
Откако во текот на минатата недела (52-ра недела/2025) беше надмината границата за влез во сезона на грип, во текот на првата недела од 2026 година, пријавената инциденца е над неделната граница на средна активност (I=92,52/100.000) на вирусот на грип на национално ниво. Во однос на возрасната дистрибуција, 749 лица се на возраст од 15-64 години, 618 – деца на возраст од 5-14 години, 229 – деца на возраст од 0-4 години и 129 се лица на возраст над 65 години.
Највисока инциденца (287,7/100.000) се регистрира кај децата на возраст од 5-14 години. Заболените лица се пријавени од 18 ЦЈЗ/ПЕ: Скопје – 716, Тетово – 339, Куманово – 150, Велес – 109, Штип – 60, Дебар – 54, Гостивар – 49, Прилеп- 45, Охрид – 44, Битола – 40, Струмица – 38, а во Кавадарци, Неготино, Струга, Демир Хисар, Виница, Македонски Брод и Радовиш, бројот на заболени е помал од 30.