Connect with us

Струмица

Хидрантска мрежа – проблем за пожарникарите

Media Press

Објавено на

Лошата хидрантска мрежа е еден од најголемите проблеми со кои се соочуваат пожарникарите од струмичкиот регион при нивната работа.  Овој проблем посебно е изразен во селата  од регионот каде бројот на надворешни хидранти е многу мал. Во дел од населените места тие не се функционални, а во голем дел и воопшто не постојат. Од територијалната противпожарна единица велат,  поради ова во случај на интервенција тие се принудени  да губат драгоцено време и за полнење на возилата да патуваат по петнаесетина и повеќе  километри назад.

,, Ги има подземни и надземни хидранти. Дел од подземните хидранти се затрупани. Причинува голем проблем, бидејќи доколку излеземе во некое населено место на пример што е оддалечено 10 до 15 километри од градот треба ПП возилото повторно да се врати назад во ПП единицата да го дополни возилото. Доколку има во тоа населено место хидрант и е во исправна состојба тоа време нема да го изгубиме и последиците и штетите ќе бидат многу помали.,, вели АЛЕКСАНДАР ГУДЕВ – КОМАНДИР НА ТППЕ СТРУМИЦА

Потврда за лошата хидрантска мрежа дадоа и од дирекцијата за заштита и спасување. Од таму потенцираа дека обврската за обезбедување на  на  надворешни хидранти е на општините, односно комуналните претпријатија. По извршените инспекциски надзори веќе било дадено  укажување за исполнување на оваа обврска.

,,Самите општини, односно јавните комунални претпријатија се должни да изготват шема на надворешни хидранти, истата да ја достават до дирекцијата и до територијалната против пожарна единица. При инспекциските надзори на самите општини им е укажано на таа нивна обврска и истите се работат бидејќи за нив треба основен проект и идеен проект бидејќи мора да се направи според закон. Вели МИТКО ДИМЧЕВ – ИНСПЕКТОР ВО ДИРЕКЦИЈА ЗА ЗАШТИА И СПАСУВАЊЕ

Од дирекцијата потенцираат дека согласно законот за заштита и спасување предвидени се и казни за сите одговорни  кои нема да ги испочитуваат своите обврски. Од таму се надеваат дека до ова нема да дојде, а надлежните ќе ги завршат нивните обврски. Пред неколку години со казни се соочиле неколку општини од регионот кои не спровеле мерки не само за пожари туку и за поплави, евакуација и санации на терен.

прикажи повеќе
Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе