Јужно од островот Крит, грчката крајбрежна стража извела голема спасувачка операција. Во три одделни инциденти, повеќе од сто мигранти биле спасени од морето и пренесени на безбедно. Се работи за лица кои се обидувале да стигнат до Европската Унија преку опасниот морски пат. Според информациите, сите спасени се во стабилна состојба и добиле медицинска помош. Изјава – претставник на крајбрежна стража] „Нашите екипи реагираа навремено и спречија трагедија. Ова е дел од секојдневната борба со нелегалната миграција и ризиците што ги носи,“ изјави претставник на грчката крајбрежна стража“. Оваа акција уште еднаш ја потврдува клучната улога на Грција во справувањето со миграциските предизвици на Медитеранот.
Повеќе од 100 странски државјани кои се обидувале со брод да стигнат до Европа беа спасени од морето јужно од Крит во три одделни инциденти во рок од неколку часа.
Во првиот од трите инциденти, товарен брод под турско знаме спасил 30 мигранти од мал гумен чамец кој бил забележан 35 наутички милји јужно од префектурата Ираклио и ги однел на безбедно во пристаништето Кали Лименес.
Подоцна, брод под германско знаме ги алармирал грчките власти за друг гумен чамец кој бил забележан 45 наутички милји јужно од Кали Лименес, и ги донел неговите 35 патници на брегот.
Третиот инцидент се случил во истата област, но поблиску до бреговите на Крит, и вклучувал 42 мигранти кои биле донесени на брег од страна на Крајбрежната стража.
Крит во последниве месеци е под зголемен притисок од мигранти кои доаѓаат од бреговите на Северна Африка.