Connect with us

Струмица

Општина Струмица со пригодна свеченост ја одбележа 21-годишнина од трагичната смрт на претседателот Борис Трајковски

Media Press

Објавено на

Пред споменикот „Македонија“ во големиот градски парк подигнат во негова чест, денеска општина Струмица со пригодна свеченост ја одбележа 21-годишнина од трагичната смрт на претседателот Борис Трајковски.

За животот и делото на Трајковски зборуваше градоначалникот Костадин Костадинов, кој меѓу другото рече:

„Како втор претседател на Република Македонија, Борис Трајковски знаеше да биде на висина на својата одговорна функција, дури и во најтурбулентното време кое го одбележа воениот конфликт во 2001 година. И тогаш, и во сите негови заложби за остварување на своите визии за доброто на татковината, како на внатрешен, така и на надворешен план, не се штедеше да стаса до секое населено место во Македонија, но и до секоја земја низ светските меридијани за да оствари значајни средби со врвни и влијателни државници, од кои бараше наклонетост кон нашата држава. Секогаш се трудеше да остави свој белег со неговото претседателствување, да биде скромен и ненаметлив, а сепак неприкосновен во носењето на мудри и навремени одлуки. Беше секогаш верен на своето позитивно размислување и на ставовите кои го правеа свој и единствен. Кога се ќе се собере на едно место, тогаш е повеќе од неопходно да се заклучи и истакне дека Претседателот Трајковски беше до самиот крај на неговиот живот: извонреден човек и државник,каков што само може да се посака. Спомнувањето на сите негови вредности како човекољубец и како претседател на сите граѓани на Република Македонија, не би било комплетно доколку не се истакне дека неговиот лик го красеше и големата љубов кон Бога, како пасиониран верник на Евангелско – методистичката црква. Тоа богољубие беше огледало на сите неговите човечки и државнички особености“.

Почитувајќи го ликот и делото на Трајковски, свежо цвеќе пред неговиот споменик положија градоначалникот Костадинов и членови на Советот на општина Струмица, членови на неговото семејство, претставници на политички партии, јавни институции здруженија и граѓани.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе