Connect with us

Струмица

Од денеска започнува програмата на Струмичкиот карневал 2025

Media Press

Објавено на

Од денеска започнува програмата на Струмичкиот карневал 2025, со симболично предавање на клучот на градот на карневалистите од страна на градоначалникот.  

Во рамките на програмата ќе биде органзирана и изложба на карневалски маски како и концерт под маски на музичкото училиште Боро Џони од Струмица во ЦК Антон Панов.  

Во Петок ќе се одржи познатиот маскенбал и избор на прин и принцеза во Хотел Сириус во Струмица со почеток во 21 часот.

Вкупно 35 карневалски групи со 1058 карневалисти ќе учествуваат на годинашново главно карневалско дефиле во Струмица кое ќе биде во сабота на 1 март со почеток од 18,30 часот.  Најмногу ќе ги има карневалски групи од училиштата и од странство.

Во недела ќе се одржи традиционалниот Детски карневал по повод Прочка.

Според објавениот редослед може да се забележи дека годинава на големото карневалско дефиле по струмичките улици  има групи од 14 училишта со вкупно 425 учесница. 10 се од Општина Струмица а останатите 4 се од Пробиштип Кратово и Куманово. Трите струмичките средни училишта се со најбројни маски .

Од странство годинава ќе има 11 карневалски групи  со 275 учесници. Гости кои ќе настапат на големото дефиле има од Хрватска, Србија, Црна Гора и Бугарија

Најмалку ќе има од струмичките карневалски здруженија. Пријавени се 6 групи со 157 учесници и една поединечна маска. Од другите градови на Македонија – Кавадарци и Виница  има три балетски студија со 87 учесника.

Во понеделник ќе биде одржана прес конференција на која ќе бидат објавени резултатите за најуспешните маски од карневалската вечер. Во 13 часот ќе се одржи традиционалната програма по повод „Чист понеделник“ варење бел грав на плоштад Гоце Делчев во Струмица.

Карневалските случувања че продолжат и во вторник со одржување на Традиционално карневалско корзо и ќе траат до среда коге ќе се одржи тримерски ручек и настап на „Распеани струмичани“.

Карневалот почнува од денеска со предавањето на клучот на градот на карневалистите со што ќе отпочне седумдневната програма.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе