Радовиш
Едукативна работилница од музичко-фолклорен карактер се одржа во Злеово, да се негуваат изворните инструменти
Published
1 година agoна
By
Media PressМузичка работилница за изворни инструменти наречена „По стапките на дедо“ беше одржана во село Злеово. Несекојдневна едукативна работилница од музичко-фолклорен карактер на која домаќини беа ФА „Злевски Бисери“ и кореаографот Методи Иванов, како иницијатор за оваа работилница.
Во присуство на млади фолклористи од Радовиш и Конче, магистер Александар Ицов професор во ООУ ,,Крсте Петков Мисирков,, -Радовиш, на интерактивен начин им ги доближи на присутните речиси сите народни музички инструменти кои се наше битие и традиција.
Тој ги запозна младите на кој начин и од каков материјал се изработени кавалот, гајдата, тамбурата и други наши изворни инструменти.
На крајот самата работилница заврши со играње на изворни ора.
Ова беше прва музичка работилница, а ќе продолжи да се одржува и во Конче и Василево.
Поврзани содржини
По трет пат се одржа фестивалот „Сред село весело,, во организација на ФА Злевски бисери
Во ОНБ „Браќа Миладиновци“ во Радовиш, организирана работилница „Учиме за буквите, патуваме со сказните“
Ученици од ООУ „Никола Карев“ и корисниците на ДЦ Порака од Радовиш со заедничка работилница
Одржана фолклорната манифестација на македонски ора и песни „Разиграна пролет“ во Злеово
Учениците од проектот ACCESS ја реализираа и последната работилница во просториите на СОУ “Коста Сусинов”, Радовиш
Поради обилните врнежи постои ризик од излевање на водопоилото во атарот на село Злеово
Радовиш
Целосна реконструкција на најпрометните улици во Радовиш
Published
30 минути agoна
април 20, 2024By
Media PressОпштина Радовиш започна со целосна реконструкција на најпрометните улици во градот, а не крпење на дупки. Денеска се асфалтираше улица Кеј 8-ми септември покрај течението на радовишка река.
Ќе се реконструираат улици во должина од околу 6 километри истакна градоначалникот Ацо Ристов одговарајќи на новинарски прашања и притоа рече дека ова не е предизборна активност и дека станува збор за редовни градежни активности кои ќе продолжат и во наредниот период. Исто така тој рече дека продолжуваат градежните активности и на градскиот пазар.
Радовиш
Градоначалникот Ристов го презентира проектот за Градска куќа „Рада“ пред советниците
Published
38 минути agoна
април 20, 2024By
Media PressСо дневен ред од 15 точки денеска беше одржана 47-та седница на Советот на општина Радовиш.
Како една точка од дневниот ред беше и предлог – одлука за одорување на идеен проект за реконструкција со пренамена на Стоковна куќа во мултифункционален и културен центар со музејска поставка на град Радовиш „Рада“ кој го презентираше Градоначалникот Ацо Ристов.
Градоначалникот рече дека објектот пред се ќе биде од јавен карактер и наменет за сите граѓани.
Од страна на Претседателот на Советот на општина Радовиш исто така беа споделени изјавите на двајцата советници Валентина Лазарева и Енис Омер, кои ги имаат поднесено до Советот, како би делувале во иднина како советници. Валентина Лазарева како советник од Демократски сојуз се приклонува кон советничката група на ВМРО – ДПМНЕ а Енис Омер во иднина ќе делува од име на ТДП.
Радовиш
Винарија Кукутанов е нова радовишка винска приказна
Published
3 дена agoна
април 17, 2024By
Media PressДолгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.
Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.