Гевгелија
Новогодишно обраќање на градоначалникот на општина Гевгелија, Сашо Поцков
Објавено на
Од
Media Press
Новогодишно обраќање на градоначалникот на општина Гевгелија, Сашо Поцков во кое се вели:
„Почитувани сограѓани, Драги пријатели,
Зад нас останува една година која беше полна со предизвици и неизвесност. Појавата на светската пандемија од Корона вирусот и нејзините последици кои ја одбележаа 2020 година, никој не можеше да ги предвиди, уште помалку пак да ги спречи. Пандемијата не затече и не доведе во ситуација, каква што светската историја не памети. Нејзината појава го наруши тековното работење и функционирање, како на стопанските капацитети, така и на одделни јавни установи. Се промени и нашата работа и работата на Општина Гевгелија. Пандемијата значеше промена на нашите приоритети. Наместо планско работење и остварување на визијата која ја ветивме пред Вас, граѓаните, моравме да посветиме значителен дел од нашите ресурси, финансиски и кадровски, на превенција и намалување на последиците од пандемијата.
Општата атмосфера на неизвесност и несигурност доведе до далекусежни, негативни последици и практично не остави ниту еден сегмент од општеството недопрен. Со жал се присетуваме на нашите драги сограѓани кои jа загубија битката со вирусот. Уште еднаш на семејствата на починатите во името на сите граѓани на општина Гевгелија им изразувам сочувство. На сите оние кои во моментот се борат со вирусот, им посакувам брзо закрепнување.
Сакам на сите здравствени работници да им оддадам признание за нивната напорна, посветена и пожртвувана работа. Благодарност упатувам до припадниците на полицијата и армијата, на државните и на општинските служби и вработените во Јавното претпријатие „Комуналец“ за справувањето со пандемијата. Исто така, изразувам јавна благодарност на сите претставници на приватниот и на невладиниот сектор кои демонстрираа високо ниво на свест и општествена одговорност, кои донираа согласно своите можности и ги ставија своите ресурси на располагање за справување со пандемијата. Исто така, изразувам јавна благодарност на сите претставници на приватниот и на невладиниот сектор кои демонстрираа високо ниво на свест и општествена одговорност, кои донираа согласно своите можности и ги ставија своите ресурси на располагање за справување со пандемијата. Сакам да изразам благодарност и почит до сите граѓани кои совесно се однесуваа и продолжуваат да ги следат препораките на здравствените власти. Бидејќи само преку доследно следење на мерките ќе успееме да ги ублажиме и да ги надминеме последиците од пандемијата.
Почитувани,
Појавата на Корона вирусот силно ја погоди општина Гевгелија. Поради структурата на гевгелиското стопанство, во кое доминираат туризмот и услужните дејности, каде што се ангажирани значаен дел од вработените во општината. Овие стопански дејности претрпеа големи загуби.Затоа, моравме да се посветиме на ублажување на последиците од пандемијата со мерки донесени, согласно, нашите надлежности. Или, пак, со иницирање средби и активности со надлежните Владини ресори за непосредно запознавање со проблемите на гевгелиските стопанственици и обезбедување на соодветна помош. Паралелно, преку донации и други финансиски извори да обезбедиме дополнителна опрема за здравствениот систем во општината. Ваквите напори и активности и натаму продолжувааат, бидејќи и пандемијата со КОВИД-19 продолжува да ни се заканува.Но, во меѓувреме, успеавме да реализираме повеќе проекти за подобрување на инфраструктурата и на еколошката слика на градот, а со тоа директно да влијаеме на подобрување на квалитетот на живеење и модернизација на општината. Капиталните проекти кои се веќе најавени, продолжуваат со нивната реализација.
Почитувани сограѓани,
Позади нас оставаме една тешка година. Година во која научивме некои важни животни лекции. Нашите приоритети се променија и започнавме да размислуваме за суштината на животот и за она што ни е најважно. Се потсетивме дека животот и здравјето се најважни.
Во овие мигови на празнично расположение, кога ќе го прославуваме доаѓањето на Новата 2021 година и раѓањето Христово- Божиќ да „Празнуваме одговорно“. Во пријатна и домашна атмосфера да ги минеме празниците, со поголема верба и надеж.
Нека Новата година ни ја врати назад нормалноста на нашето живеење и што побрзо надминување на пандемијата.
Среќна Нова година и честит Божиќ!“
Поврзани содржини

Над 25.000 посетители на концертната вечер на Северина во Гевгелија во рамки големото МЕГА отворање

Лишени од слобода двајца криумчари на мигранти од Косово, поднесена им е кривична пријава и определена мерка притвор од 30 дена

Наскоро МЕГА ШОПИНГ ПАРК во Гевгелија, модерeн шопинг парк со голем избор на брендови, забава и услуги на едно место

СИМУЛАЦИСКА ВЕЖБА за заштита и спасување „ДА ЈА СПАСИМЕ ИДНИНАТА“ во ООУ „Владо Кантарџиев“

ОД ЛЕГЕНДА ДО СЦЕНА: МИРАВЦИ ЈА ЖИВЕЕ „ЃУРА МАРА“

НАД 700 ПОСЕТИТЕЛИ НА САЕМОТ ЗА ВРАБОТУВАЊЕ НА МЕГА ШОПИНГ ПАРК ГЕВГЕЛИЈА
Гевгелија
Лишен од слобода за непоседување возачка дозвола
Published
1 месец agoна
октомври 7, 2026By
Media Press
Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.
Гевгелија
МВР: Банкарски службеник од Гевгелија во 13 наврати присвоил пари од сметки на двајца корисници
Published
3 месеци agoна
август 19, 2026By
Media Press
Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава
ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.
Гевгелија
На железничка пруга во Гевгелија било пронајдено повредено лице мигрант
Published
3 месеци agoна
август 14, 2026By
Media Press
На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз.
Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

