Connect with us

Гевгелија

Над 25.000 посетители на концертната вечер на Северина во Гевгелија во рамки големото МЕГА отворање

Media Press

Објавено на

 Регионалната поп-ѕвезда Северина вчеравечер приреди незаборавен концерт пред повеќе од 25.000 посетители во рамки на третиот ден од спектакуларното отворање на Мега Шопинг Парк во Гевгелија. Рекордната посетеност и одличната атмосфера го потврдија статусот на овој нов комплекс како водечка шопинг и забавна дестинација на Балканот.  

Програма започна со одлична енергија и настап на познатиот шоумен Жаре Бербер, кој максимално ја загреа атмосферата на сцената. Кулминацијата се случи со излегувањето на Северина, која со својата препознатлива харизма, моќна изведба и низа вонвременски хитови приреди концерт за паметење, исполнувајќи го капацитетот на МЕГА Шопинг Парк до последното место. 

Додека вечерните часови беа резервирани за големиот музички настан, дневната програма понуди богати содржини за сите генерации. Најмладите посетители уживаа во настапите на интернационалниот детски музички фестивал „Калинка“, детската претстава „Super Music Talent Show“, парадата со маскоти и возбудливото тркало на среќата. Посебен впечаток и силен локален печат остави настапот на школата за тапани при Пионерскиот дом Гевгелија, кои со својот извонреден талент беа вистинско освежување на сцената. 

На површина од над 20.000 квадратни метри, МЕГА Шопинг Парк уште во првите денови ја демонстрираше својата позиција како најголем и најмодерен проект од ваков тип во регионот, привлекувајќи илјадници купувачи во внимателно конципираните продажни зони.

Во импресивната Fashion зона на 12.000 квадратни метри се сместени 50 продавници со познати брендови како : New Yorker, Њујоркер LC Waikiki, Sinsay, Sport Reality, Intersport, Koton, Sara Fashion,

Понудата продолжува со специјализираната Home Decor и DIY зона на 5.000 квадратни метри преку реномираните Jysk, Pepco, Sara Home, Comodita, Home+ и Office Plus. 

Трговскиот дел е заокружен со капацитетите на Сетек, Тинекс, Зегин, ДМ, Жан Митрев, Skin Clinic и уникатниот концепт NEST 24/7, како и најголемата забавна зона во регионот, Bo Bowling & Gaming Arcade која се простира на 2.500 квадратни метри. Посебен дел од искуството беше зоната Gourmet Avenue со брендовите KFC, Baking Bread, Gyro House, Wall Street и Velvet Bar & Kitchen. Како предводник на модерните трендови и одржливоста, паркот го стави на располагање и својот Smart & Eco сегмент со 12 брзи полначи за електрични возила, со што се поставуваат нови европски стандарди во работењето. 

Овој грандиозен успех на отворањето е потврда дека МЕГА Шопинг Парк не е само локално место за пазарување, туку дестинација со регионален формат која во иднина ќе ја позиционира Гевгелија како централна фокусна точка за квалитетно поминато време и врвна забава на Балканот. 

Спектакуларното отворање организациски беше целосно на PIKSEL -Дигитална агенција специјализирана за електронска трговија (e-commerce), изработка на веб-страници и целосен интернет маркетин. Гевгелија и регионот, 4 дена уживаа во професионалната организација по европски стандарди за сите вкусови.

Гевгелија

Лишен од слобода за непоседување возачка дозвола

Media Press

Published

на

Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски  регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.

Прочитај повеќе

Гевгелија

МВР: Банкарски службеник од Гевгелија во 13 наврати присвоил пари од сметки на двајца корисници

Media Press

Published

на

Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава

ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.

Прочитај повеќе

Гевгелија

На железничка пруга во Гевгелија било пронајдено повредено лице мигрант

Media Press

Published

на

На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз. 

Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Прочитај повеќе