Македонија

Адеми: 12 милиони евра поддршка од Владата преку платежни картички и ваучери за млади до 29 години

Новите мерки наменети за младите денес ги презентираше министерот за образование и наука, Арбер Адеми, кој рече дека Министерството за образование и наука како носител на задолжението за нивна имплементација, заедно со неколку други институции веднаш пристапува кон креирање на оперативен план со цел средствата што поскоро да стигнат до оние за кои се наменети.

Адеми информираше дека е предвидено доделување на два типа на ваучери. Првиот во еднократен максимален износ до 6.000 денари наменет за студенти и средношколци од семејства со ниски примања, а средствата ќе се користат исклучиво за покривање на партиципација за студирање на универзитетите и за сместување во ученички домови, студентски домови и во регистрирани приватни сместувачки капацитети.

Вториот тип на ваучер во максимален износ до 30.000 денари е наменет за млади до 29 години, за кофинансирање на обуки, тренинзи и курсеви за ИТ и дигитални вештини, кои, како што рече Адеми „и тоа како се потребни и барани години наназад, а сега веќе нивното поседување е дури и основен услов за пронаоѓање на работен ангажман во било кој сегмент и ќе им овозможат брзо вработување во новата развојна економија“.

Третиот тип на поддршка е домашна платежна картичка со расположлив износ од 3.000 денари, која ќе биде наменета за студентите и ќе се користи исклучиво за купување на домашни производи и услуги во одредени услужни дејности кои се најпогодени од кризата.

„Според проценките, влогот за овие три мерки наменети за младите ќе биде 12 милиони евра, а ќе бидат опфатени околу 100.000 корисници, наши млади сограѓани“, потенцираше Адеми, додавајќи дека за тоа што ќе биде подготвено како конкретно решение во следните денови, јавноста навремено ќе биде запознаена од аспект како и на кој начин ќе се аплицира за добивање и искористување на овие средства. Инаку, согласно усвоениот план од страна на Владата предвидено е овие средства да бидат распределени најдоцна до крајот на месец јули.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago