Connect with us

Струмица

Препукување помеѓу пратеникот Миле Цеков и ЛО Левица од Струмица, околу ЈП Комуналец

Media Press

Објавено на

„Јавно ви ги демантирам изнесените лаги и манипулации дека директорот на АД Водостопанство преминал во партијата Движење ЗНАМ, за повторно да добие позиција, стои во ФБ објавата на пратеникот од Струмица Миле Цеков од Движење ЗНАМ, како реакција на фб објавата на Левица од Струмица.

„Ве молам на овие сензитивни теми не се обидувајте да правите личен рејтинг. Потенцирам, ниту сум разговарал со директорот ниту сум имал средба, а доколку имате доказ ве молам јавно да го објавите,“ вел пратеникот Цеков во својата објава и притоа бара јавно извинување.

„Домаќинствата во општина Струмица уредно си плаќале сметки за вода мислејќи дека добиваат квалитетна вода за пиење, а парите АД Комуналец Струмица не ги уплаќало на Водостопанство оти замислете, така на своја рака си решиле тие што ја водат општината, затоа што Водостопанство испорачувала неквалитетна вода. Ситуацијата ескалира кога некој си таму директор на Водостопанство кој до вчера бил од СДС и им чувал грбовите на одговорните од општината, нормално за и тие да му ја чуваат позицијата, по јавните сомнежи од граѓаните дека сега си преминал во партијата ЗНАМ за повторно да биде на позиција и кажува за долгот на Комуналец кон Водостопанство дека изнесува фамозни 70 милиони денари. Сега се води партиска војна а граѓаните се колатералка, како и секогаш. Граѓаните немаат вода за пиење.

ЛО ЛЕВИЦА СТРУМИЦА бара Основното Јавно Обвинителство во СТРУМИЦА под итно да отвори случај по две основи: за загрозување на здравјето на граѓаните и за утврдување на постоечко криминално дејствие во однос на долгот што е направен кон АД Водостопанство и истражна постапка за тоа каде завршувале тие пари ако не биле уплаќани на АД Водостопанство, а се платени од сметките на граѓаните“, стои во објавата на ЛО Левица од Струмица.

Преземено од: https://www.facebook.com/mile.cekov

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе