Connect with us

Македонија

Миле Цеков: ЛУЃЕ, ВО КАКОВ ЦИРКУС ОД ДРЖАВА ЖИВЕЕМЕ ?

Media Press

Објавено на

ЛУЃЕ, ВО КАКОВ ЦИРКУС ОД ДРЖАВА ЖИВЕЕМЕ ? Целата јавност е преокупирана со еден трагичен сообраќаен настан со смртни последици, (мислејќи на Ива Михаилова) настан што никој не го посакува, вели пратеникот Миле Цеков, во својот пост на социјалните мрежи, со кој алудира дека власта го дефокусира народот од реалните проблеми.

„СЕ СПРОВЕДУВА ЕДНА МНОГУ УСПЕШНА СТРАТЕГИЈА – ФРЛАЊЕ ПРАШИНА ВО ОЧИ И ДЕФОКУС ОД РЕАЛНИТЕ ПРОБЛЕМИ! И мора да признаеме, оваа стратегија функционира беспрекорно!

Деновиве целата јавност е преокупирана со еден трагичен сообраќаен настан со смртни последици, настан што никој не го посакува и за кој мора да има правда и одговорност. Бог да го прости починатиот!

Но, луѓе мои, дали некогаш сте се запрашале КОЛКУ ЛЕСНО НИ ГО МЕНУВААТ ФОКУСОТ?

Заборавивме на 63 ангели од Кочани, кои ги проголта дискотеката наречена „македонски систем“. Нивните семејства сè уште чекаат правда!

Слободата на Артан Груби ја прославивме со зурли, тапани и огномети! Уште црвен тепих фалеше да му постелеме!

Аферата со мазутот и „Пуцко петрол“, тешка 170 милиони евра ? Кој прашува, кој одговара?

Аферата со петте тони марихуана ни ја претставија како да гледаме нова сезона од „Долина на волците“! Камери, спектакл, акција… ИМА ЛИ НЕКОЈ ВО ЗАТВОР ?

Во Гостивар, во 21 век, граѓаните речиси еден месец пиеле фекалии, тоа го заборавивме како ништо да не било!

Секојдневно се труеме од загаден воздух, диви депонии и ѓубре на секој чекор, дојдовме до тоа да се радуваме кога некој ќе ни го собере ѓубрето! Каков историски успех, браво!

Народот преживува од први до први, со најниски плати, со кредити, со камати, со минуси на сметки, брзиот кредит стана побрз од платата!

500 милиони евра завршија за бекатон плочки, тендери за фирми блиски до власта и кредити за анонимни бизнисмени! А народот? Народот нека брои ситни пари за да го истурка месецот додека некои од обични голтари ќе бидат идни милионери !

И знаете што е најтрагично?

Ние веќе не бараме подобар живот, почнавме да се радуваме на најосновните работи!

Драги мои сограѓани,

Ова не се проблеми на една современа европска држава во 21 век, ова е лудило кое предолго го живееме!

И додека ние секој ден расправаме за новата тема што ни ја сервираат, старите проблеми си остануваат, а сметката секогаш ја плаќа истиот човек — народот!

Еден ден мора да се стави крај. Зашто државата не е циркус, а народот не е публика што вечно ќе аплаудира!“ стои во објавата на пратеникот Цеков.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе