Регион
Mediapress.mk истражува, како Општина Струмица и Општина Вланадово го решиле проблемот со погребалните услуги
Објавено на
Од
Media Press
По реакцијата во јавноста, откако ЈП Плаваја, Радовиш соопшти дека се појави фирма – оператор за вршење на погребални услуги во Радовиш, со што автоматски тие престануваат да ја вршат оваа услуга, а за што граѓаните ќе треба да плаќаат на приватниот оператор за основен пакет од 15 до 18 илјади денари, плус трошоци за превоз, ТВ Кобра и mediapress.mk направија истражување, како овој проблем е решен во некои од соседните општини.
За Општина Струмица погребалните услуги веќе десетина години не претставуват проблем. Бидејќи како што дознаваме од ЈП „Комуналец“ од Струмица, овие услуги оддамна не ги извршува јавното претпријатие, односно уште по донесувањето на Законот за погребални услуги од 2010 година , за одземање на надлежностите на јавните претпријатија. И одтогаш погребалните услуги ги вршат приватни оператори.
Во Општина Струмица засега такви услуги вршат три лиценцирани оператори и граѓаните можат да бираат, каде им е поевтино.
ЈП Комуналец, не наплаќа во своите сметки за погребални услуги, откако престанало да ја врши и услугата. Собраните средства додека функционирал солидарниот фонд биле искористени за тој период од пред десетина години.
„Сега ЈПКД „Комуналец“ врши само управување со гробишта односно одржување на гробишта за што граѓаните добиваат фактура од 600 денари годишно и тоа оние кои имаат сопствен гроб. Затоа пак оние кои немаат сопствен гроб и не плаќаат за одржување по 600 денари годишно, кога ќе имаат потреба, ќе треба да си купат гробно место кое се продава по цена од 6.000 денари како најевтин горб, па нагоре“, велат од ЈП Комуналец, Струмица.
Инаку како што дознаваме приватни оператори веќе ги вршат погребалните услуги и во населените места во Општина Струмица.
Во Општина Валандово, од 2020 година, погребалните услуги исто така ги врши еден приватен оператор. ЈП „Комунален Сервис“ одтогаш не наплаќа солидарен фонд за погребални услуги, туку само за управување односно одржување на гробишта, по 50 денари месечно. Со услугите на приватниот оператор како што дознаваме од ЈП Комунален Сервис, се опфатени и населените места во Општина Валандово.
Радовишани оваа година се соочија со проблемот околу погребалните услуги бидејќи годинава за прв пат се појави фирма – оператор за да го врши овие услуги. Со тоа на ЈП Плаваја и се одзема надлежноста за да врши погребални услуги. останува само да ја врши услугата управување и одржување на гробишта, за што граѓаните ќе плаќаат месечно по 50 денари. Но градоначалникот на Општина Радовиш заедно со Советот и ЈП Плаваја бараат решение и се во координација со урбаните и месните заедници, како да продолжи солидарниот фонд, со цел да им се понуди на граѓаните најдоброто решение. Односно да се обезбеди достоинствен погреб и за оние кои имаат и за оние кои немаат финансиски средства, на судниот ден.
Поврзани содржини

За новогодишно украсување општините потрошиле 785 илјади евра

Ценовник за ППР за Претседателски избори 2024, на Медиапресс сервис (mediapress.mk)

Општина Радовиш организира јавна трибина, граѓаните беа информирани околу солидарниот фонд за погребални услуги и комуналната такса

Консултативен состанок со претставници од месните и урбаните заедници во Општина Радовиш, се бара решение околу погребалните услуги

Кој општини во регионот бележат намалување а кој зголемување на бројот на вработени, според истражувањето на ЦГК, Скопје

Здружение за истражување и анализи – ЗМАИ oбјавува јавен Повик за учество на бесплатни онлајн обуки за кариерно советување
Регион
Бурен викенд во регионот, пронајдена дрога, возење под дејство на алкохол, семејно насилство
Published
1 недела agoна
ноември 9, 2026By
Media Press
На 06.11.2026 во струмичко село, полициски службеници од СВР Струмица го лишија од слобода К.П.(33) од тоа село. Врз основа на судска наредба, бил извршен претрес во неговиот дом, при што биле пронајдени повеќе тегли исполнети со марихуана, две растенија од канабис и семки од канабис, а при преглед на К.П. тој извадил и предал рачно изработена цигара со марихуана. Лицето било задржано во Полициската станица Струмица, а за настанот е известен јавен обвинител од Основното јавно обвинителство Струмица. По документирање на случајот ќе биде поднесена соодветна пријава.
На 07.11.2026 во Струмица, полициски службеници од СВР Струмица го лишија од слобода Е.П.Е.(63) од Струмица. При контрола во патниот сообраќај, полициските службеници сопреле товарно возило „волксфаген“ со струмички регистарски ознаки, кое го управувал Е.П.Е. и по преземени мерки било констатирано дека е под дејство на алкохол, односно дека има 1,55 промили алкохол во крвта. За настанот е известен јавен обвинител од Основното јавно обвинителство Струмица. По целосно документирање на случајот ќе биде поднесена соодветна пријава.
На 07.11.2026 во Струмица, полициски службеници од СВР Струмица извршиле контрола на патничко возило „опел“ со струмички регистарски ознаки, кое го управувал Љ.Г.(34) од село Вељуса, струмичко. По преземени мерки било констатирано дека лицето со возилото врши јавен превоз на патници, без да поседува соодветна документација. По документирање на случајот ќе биде поднесена соодветна пријава.
На 08.11.2026 во 05:20 часот во Струмица, полициски службеници од СВР Струмица лишија од слобода 46-годишен жител на струмичко село. Според пријавеното тој на 08.11.2026 во Струмица физички ја нападнал неговата 44-годишна девојка. За настанот е известен јавен обвинител, а по документирање на случајот ќе биде поднесен соодветен поднесок.
Регион
Сообраќајна несреќа со смртни последици на магистралниот пат Струмица-Радовиш во близина на с.Радичево
Published
3 недели agoна
октомври 26, 2026By
Media Press
На 25.10.2026 околу 02:00 часот во СВР Струмица било пријавено дека на магистралниот пат Струмица-Радовиш, во близина на с.Радичево, општина Василево, се случила сообраќајна несреќа помеѓу патничко возило „пежо“ со радовишки регистарски ознаки, управувано од Н.В.(19) од с.Злеово, радовишко и патничко возило „мицубиши“ со струмички регистарски ознаки, управувано од Р.С.(58) од с.Добрејци, струмичко. Од здобиените повреди на местото починал возачот Р.С., а лекар од Итна медицинска помош констатирал смрт. Во несреќата со телесни повреди се здобил сопатникот во патничкото возило „мицибуши“ Д.А.(36) од село Дабиле, струмичко. Увид на местото извршиле јавен обвинител и екипа на СВР Струмица, при што било констатирано дека Н.В. е под дејство на алкохол, односно му биле измерени 1,32 промили алкохол во крвта, по што е лишен од слобода. По наредба на јавен обвинител, телото на починатиот е предадено на обдукција.
Регион
Една сообраќајна нзгода, возење под дејство на алкохол и без возачка дозвола, пронајдена дрога, се дел од билтенот на СВР Струмица
Published
4 недели agoна
октомври 19, 2026By
Media Press
На 17.10.2026 во 10:40 часот на бул. „Гоце Делчев” во Струмица се случила сообраќајна незгода помеѓу патничко возило „хундаи“ со струмички регистарски ознаки, управувано од Н.Ш.(80) од Струмица и товарно возило „нисан“ со струмички регистарски ознаки, управувано од А.А.(34) од Струмица. Во незгодата со тешки телесни повреди се здобил сопатникот во патничкото возило „хундаи“ Т.А.(44) од Струмица, а повредите биле констатирани во Медицински центар Струмица. Извршен е увид од екипа на Полициската станица Струмица.
На 17.10.2026 во Струмица, полициски службеници од СВР Струмица го лишија од слобода М.Т.(46) од струмичко. При преземање службени дејствија кон него, М.Т. извадил и предал хашиш и други предмети со остатоци од марихуана. Запознаен е јавен обвинител, а по документирање на случајот ќе биде поднесен соодветен поднесок.
Ноќеска (18.10.2026) во 02:20 часот на крстосница за село Мрзенци, гевгелиско, полициски службеници од СВР Струмица-ОВР Гевгелија го лишија од слобода Б.Т.(27) од село Негорци, гевгелиско. При контрола на сообраќајот било запрено патничко возило „ауди“ со гевгелиски регистарски ознаки, при што од извршеното мерење со дрегер било констатирано дека Б.Т. возилото го управува со 1.63 промили алкохол во крвта. За настанот е известен јавен обвинител. По документирање на случајот против лицето ќе биде поднесена кривична пријава за сторено кривично дело „безобѕирно управување со моторно возило“ по член 297а од КЗ.
Ноќеска (18.10.2026) во 00:20 часот во Гевгелија, полициски службеници од СВР Струмица-ОВР Гевгелија го лишија од слобода М.Б.(42) од Гевгелија. При контрола на сообраќајот било запрено патничко возило „опел“ со гевгелиски регистарски ознаки, при што од извршеното мерење со дрегер е констатирано дека М.Б. возилото го управува со 1.60 промили алкохол во крвта. За настанот е известен јавен обвинител. По документирање на случајот против лицето ќе биде поднесена кривична пријава за сторено кривично дело „безобѕирно управување со моторно возило“ по член 297а од КЗ.
Ноќеска (18.10.2026) во 00:25 часот во Гевгелија, полициски службеници од СВР Струмица-ОВР Гевгелија го лишија од слобода М.И.(44) од село Бојане, општина Сарај. При контрола на сообраќајот било запрено патничко возило „мерцедес“ со скопски регистарски ознаки, и по преземени мерки било констатирано дека го управува без да поседува возачка дозвола. За настанот е известен јавен обвинител. По целосно документирање на случајот ќе биде поднесена соодветна пријава по член 297-а од Кривичниот законик – „безобѕирно управување со моторно возило”.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

