Радовиш
Првични проценки: изедени над 40000 самуни, на 7-то издание на “Самун ем татлија”
Објавено на
Од
Media Press
И оваа година општина Радовиш во деновите од 11-ти до 13-ти Октомври беше домаќин на традиционалната „САМУН ЕМ ТАТЛИЈА“ која како дел од големиот јубилеј „1000 години Радовиш“, помина во одличен ред.
Програмата започна во Петокот од 18:00 час. со настапот на Виктори Бенд, по што следуваше и моментот на свеченото отварање. Како генерален покровител, манифестацијата за отворена ја прогласи Градоначалникот на општина Радовиш, Г-дин Герасим Конзулов кој на сите граѓани им посака пријатни и весели моменти уживајќи во тридневната програма.
Концертниот дел продолжи со прекрасниот настап на Троја во проширен состав со Ратко Даутовски и Петре Јованов изведувајќи ги најпознатите рефрени на групата Сантана а потоа следуваа и одличните концерти на Дани Димитровска и на нашиот македонски бисер Влатко Лозановски – Лозано со кои се забавуваа повеќе од 8,000 посетители од нашата и останатите општини. Првата вечер со свој одличен настап ја затвори популарниот Слаткаристика.
Вториот ден од овогодишната манифестација започна со фолклорна програма од 12:00 час. Нашата традиција и мелос на сцената го прикажаа фолклорните ансамбли: „Подарешани“, „Китка“ и „Бучим“. Веднаш потоа следуваше настапот на Фолклорниот ансамбл „Масука“ од Велика Плана како и презентации на економско-угостителското училиште и на традиционална храна од нивниот крај.
Вечерната програма започна со концертот на големиот талент Антонија Гиговска а потоа следуваше и екслузивниот настап на големата хрватска музичка ѕвезда Јелена Розга, со која во ист глас пееше и повеќе од 10,000-та публика присутна на самиот концерт. После Јелена, на сцената се појави српската атракција Дејан Петровиќ Биг Бенд кои со својата енергија на сцената, не оставија рамнодушен ниту еден посетител и оставија вистински позитивен белег од концертно-програмскиот дел на „САМУН ЕМ ТАТЛИЈА“.
Седмото издание на манифестацијата го посетија повеќе од 30.000 граѓани за време на трите фестивалски дена. Според првичните проценки се изедени повеќе од 40.000 самуни.
Прекрасното време во Недела беше само една од причините, Радовиш да биде посетен од повеќе од 10,000 домашни и странски туристи. Главната причина беа секако прекрасните самуни и татлии кои беа изложени на вкупно 17 штанда и прекрасната културно-забавна прорама која започна со настапот на Фолклорниот ансамбл „Ацо Караманов“. Веднаш потоа следуваше настапот на Етно составот „Вез“ кои го разубавија прекрасното неделно пладне. Во попладневниот музички дел, прорамата ја отворија радовишките бисери „Распеани Радовишани“ а по нив следуваше настапот на Ангел и Орце кои сериозно ја загреаја атмосферата за вечерните концерти.
Веднаш по нив на сцената се појави музичкиот состав Јупитер предводени од прекрасните гласови на Горан и Ленче Кукич кои приредија вистинско изненадување настапувајќи заедно со ѕвездите од музичкото шоу „Никад није касно“ а изведувајќи нивни и мелодии од Екс-ју просторите. Овогодишниот програмско-концертен дел го затвори позната грандова ѕвезда Мирза Селимовиќ кој ја држеше публиката на нозе се до полноќ, притоа предизвикувајќи вистинска еуфорија низ огромната посетеност на оваа вечер.
На крај, овогодишната прекрасна „САМУН ЕМ ТАТЛИЈА“ беше затворена со велелепен огномет како и со прекрасни пораки за соживот, здравје и благосостојба но и огромна благодарност упатена од страна на Градоначалникот Герасим Конзулов до сите чинители на самата манифестација а особено до организаторот, Центарот за култура „Ацо Караманов“.
Во склоп на манифестацијата, нашата општина беше почестена со присуство на гости од пет збратимени и пријателски општини и тоа: Белишче и Бизовац од Република Хрватска, Ергене и Ташкопру од Република Турција и Велика Плана од Република Србија, како и со присуството на нашата примадона Милка Ефтимова кои на 12.10 – Сабота имаа прием во општина Радовиш а на 13.10 – Недела сите заедно ја посетија меѓународната ликовна колонија „Караманов“ која се одржа на планината Плачковица.
Гостите понесоа прекрасни импресии и одличен импулс за понатамошна соработка со општина Радовиш.
Поврзани содржини

Јулија Тарабунова е новата претседателка на УЖ на ОК ВМРО- ДПМНЕ Радовиш

Во сабота започнува ШЕСТОНОЕМВРИСКИ ТУРНИР ВО МАЛ ФУДБАЛ!

Малешевски пат околу Подареш, на потегот од Смиланци кон Радовиш, во напредна фаза на реализација

Јавен повик за доставување на предлог-програми за реализација на традиционалната манифестација САМУН ЕМ ТАТЛИЈА 2026
Територијалната противпожарна единица од Радовиш добива 4-ри нови пожарникари

Рудникот Бучим со СООПШТЕНИЕ ДО ЈАВНОСТА во насока на транспарентна комуникација со населението oд с. Тополница за проектот на браната
Радовиш
Малолетник физички ја нападнал неговата мајка
Published
3 недели agoна
октомври 27, 2026By
Media Press
На 26.10.2026 во 13:40 часот во Радовиш, полициски службеници од СВР Струмица-ОВР Радовиш лишија од слобода 16-годишен малолетник од Радовиш. Според пријавеното, тој во семејниот дом физички ја нападнал неговата мајка. Извршен е службен разговор во присуство на родител и службени лица од Центар за социјални работи Радовиш. По документирање на случајот ќе биде поднесен соодветен поднесок.
Радовиш
ОГЛАС ЗА ВРАБОТУВАЊЕ: МАРТИ ХИГИЕНА СТРУМИЦА
Published
3 недели agoна
октомври 26, 2026By
lence
МАРТИ ХИГИЕНА СТРУМИЦА има потреба од вработување на работно место:
ХИГИЕНИЧАРКА (за територија на Општина Радовиш)
УСЛОВИ ЗА РАБОТА:
Пријатна и колегијална работна средина
Целосно обезбедени материјали и реквизити за работа
3 слободни дена во неделата
Одлична / Екстра плата
Заинтересираните кандидати можат да се информираат и аплицираат на:
078/314-801
МАРТИ ХИГИЕНА – Професионална фирма за чистење и одржување на приватни и деловни објекти.
Радовиш
„КОПНЕЖ КОН СВЕТЛИНАТА“ самостојна изложба на уметникот Душан Коцев, во Радовиш
Published
2 месеци agoна
септември 17, 2026By
Media Press
„КОПНЕЖ КОН СВЕТЛИНАТА“ 8-ма самостојна изложба на уметникот Душан Коцев од Радовиш која ќе се одржи во Музеј на љубовта и уметноста во Радовиш. Изложбата ќе биде отворена на 21.09 во понеделник, со почеток во 20:00 часот. Истата се организира во соработка со Центар за култура „Ацо Караманов“, Радовиш и Општина Радовиш.
Душан Коцев е сликар од Радовиш, роден 1959 година каде живее и работи. Рударски инженер кој активно 35 години работел во рудник Бучим, во моментот пензионер.
Како ликовен уметник активно работи 33 години, апстрактен експресионизам, кој претставува негов личен израз, а исто така успешно работи реализам и импресионизам.
Душан Коцев е главен иницијатор за обновувањето на Друштвото на ликовни уметници во Радовиш. Во 2014 година е избран за претседател на „Рада ДЛУР“ – Радовиш.
Како претседател на друштвото досега органзирал 11 меѓународни ликовни колонии во Радовиш од кои произлегле бројни ликовни дела.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

