На 1-ви Мај, некои правеа скара во природа или во своите дворови, некои заминаа на море, а некои протестираа. ССМ и годинава со протест го одбележа Први Мај – Денот на трудот. Протестот започна пред зградата на Сојузот на синдикати, продолжи кон Собранието, па пред Стопанската комора, а заврши пред Владата. Синдикалците со јасни барања: Повисока минимална плата, почитување на колективните договори и подобра заштита на работниците на нивните работни места.
За жал, 260 000 работници живеат со плата под 600 евра, а само неколку илјади луѓе сме присутни на денешниот протест – изјави претседателот на Сојзуот на синдикати на Македонија, Слободан Трендафилов, на денешниот работнички протестен марш по повод 1 Мај – Денот на трудот. Многу работници, според Трендафилов, и покрај тоа што не се задоволни од своите плати, се плашат да се придружат на протестите бидејќи сметаат дека тие се насочени против некого. Претседателот на ССМ во оваа смисла порача дека борбата за повисоки плати треба да биде уште пожестока.
Премиерот Христијан Мицкоски протестите ги оцени како традиционални и нормални за една демократска држава и дека тоа и е работата на синдикатите да органзираат протести и да се борат за работничките права.
Првомајски пртоести беа одржани ширум светот. Меѓународен ден на трудот — меѓународен празник кој се празнува на 1 мај и е посветен на борбата за зачувување и унапредување на правата на работниците.