НА 10 ДЕКЕМВРИ (СРЕДА) ОД 19:00 Ч.ВО ,,СРЦ 25 МАЈ“ ВО РАДОВИШ, ќе имаат вистински празник во Радовиш!
УГД ШТИП-МИЛАНО ИТАЛИЈА, вистински настан за вљубениците во спортот и одбојката. Македонскиот претставник Штип УГД го игра својот прв натпревар од 1/16 финалето во Челинџ купот на домашен терен – во салата „25 Мај“ во Радовиш, на 10 декември (среда) од 19 часот. Нашите момци ќе го пречекаат силниот италијански состав Милано, еден од фаворитите во ова натпреварување.
✨ Штип УГД веќе покажа голема борбеност – пред само една седмица со убедливи 3:0 и преку „златен сет“ го елиминираше норвешкиот Кол Ил, обезбедувајќи место во главната рунда на третото по квалитет европско клупско натпреварување.
📅 Според распоредот на ЦЕВ, првите натпревари од 1/16 финалето се играат од 10 до 12 декември, а реваншите веднаш по Нова година – од 5 до 7 јануари. За Штип УГД тоа значи дека реваншот ќе се одигра на 6 јануари (Бадник) од 17:30 часот во „Центро Павеси“ во Милано.
🔔 Повик до сите во Радовиш и пошироко!
Да ја наполниме салата „25 Мај“ и да им дадеме силна поддршка на нашите одбојкари! Ова е историска шанса да се види европска одбојка во Радовиш и да се почувствува атмосферата на големите натпреварувања.
👉 Донесете енергија, навивачки дух и љубов кон спортот – да покажеме дека Македонија знае да биде домаќин и да бодри со срце!