Connect with us

Радовиш

81 ГОДИНА СЛОБОДЕН РАДОВИШ

Media Press

Објавено на

Ослободувањето на Радовиш од фашизмот на 6-ти Ноември 1944 година е историски момент кој го постави темелот на слободата и развојот на градот и денес таа слобода се разбира и цени од генерациите

Од ослободување до денес: Радовиш низ времето

На 6-ти Ноември 1944 година, единиците на Народноослободителната војска (НОВ) и Партизанските одреди на Македонија (ПОМ) го ослободија Радовиш од фашистичката окупација. Тоа беше резултат на храброста на локалните борци и поддршката од народот, кои се спротивставија на репресијата и ја избраа слободата како највисока вредност.

Во деновите пред ослободувањето, градот претрпел големи штети — германските сили запалиле куќи и уништиле делови од центарот. Но, со ослободувањето започна нова ера: изградба, образование, култура и економски развој.

Придобивки од слободата

Занаетчиски дуќани

  • По војната, занаетчиството било основа на локалната економија: ковачи, шивачи, столари, фурнаџии, бербери, ткајачи и други занаети.
  • Дуќаните биле места на традиција, учење и социјализација, а многу од нив прераснале во мали претпријатија.

Развојот бил постепен, со поддршка од државата и локалната самоуправа. Во 1950-тите и 1960-тите, Радовиш добива:

Развој на образованието: Отворање на училишта основни и гимназија.

Гимназијата била основана од страна на Народниот одбор на Општина Радовиш, 25 август 1960 година, под називот „Страшо Пинџур“. Во учебната 1960/61 година во училиштето учеле 38 ученици.

Културна афирмација: Поетот Ацо Караманов, роден во Радовиш, стана симбол на револуционерниот дух и културната на овие придобивки од слободата го поставија темелот за денешниот урбан и економски профил на градот. По ослободувањето во 1944 година, Радовиш започна постепен индустриски и инфраструктурен развој, кој го трансформираше градот од земјоделска средина во значаен економски центар. Клучна улога имаа комбинатите како ЗИК „Радовишко Поле“, ШИК „Плачковица“, Монопол и занаетчиските дуќани, низ годините Радовиш преминува во рударски град, каде голем дел од населението се вработува во рудникот Бучим.

Повик за сеќавање и ангажман

Денешниот предизвик: заборавена слобода?

Иако секоја година се одржуваат свечености, младите генерации сè помалку се поврзуваат со значењето на слободата. Историјата се сведува на формалности, а вредностите на борбата — пожртвуваност, солидарност, отпор — се губат во секојдневниот материјализам

Слободата не е дадена еднаш засекогаш — таа бара постојано негување. Радовиш има обврска да ги пренесе своите приказни на идните генерации, преку живо сеќавање, дијалог и ангажман и свеченостите што се прават во спомен на минатото.

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе