Connect with us

Радовиш

Свети Димитрија Солунски, Митровден

Media Press

Објавено на

Митровден (народно: Митроен) — голем христијански празник посветен на светиот великомаченик Димитриј Солунски, кој се празнува на 8 ноември. Празникот се слави низ целиот Балкански Полуостров.

Традиционално, Митровден го означува почетокот на студеното време, односно зимата. Во минатото, на овој ден се завршувале сезонските договори, па така се најмувале полјаци, протуѓери, кметови и други, кои обично служеле до Ѓурѓовден.

Свети Димитриј Солунски — великомаченик од III век, роден и живеел во градот Солун. Бил син на градоначалникот, кој долго време немал деца, но по долги молитви добил син и го воспитувал според христијанските начела.

По смртта на татко му, Димитриј бил назначен за градоначалник на Солун. Во тоа време, христијанството сè уште не било признато како официјална религија, па царот го советувал да постапува строго кон христијаните. Сепак, Димитриј ги подучувал верниците како да се заштитат од паганските влијанија.

Кога царот дознал за неговото однесување, лично дошол да се увери во вистината. Димитриј не само што не ја сокрил својата вера, туку и јавно ја осудил паганската религија, поради што бил затворен.

Со неговото име се поврзуваат бројни чуда, особено оние што се однесуваат на заштитата на Солун од напади. Поради тоа, Свети Димитриј се почитува како заштитник на градот Солун.

Славење на Митровден

Освен традиционалниот обичај на носење леб и вино во црква, каде што лебот се осветува, Митровден се одбележува и во семејна атмосфера. За овој празник не се врзани специфични обичаи или обреди.

Вечерта пред празникот се организира „заслуг“ (од заслужување) или „кана“ (од канење), при што блиските се канат со лепче или со некој симболичен предмет. На самиот ден се приредува свечен ручек со мрсни јадења, освен ако празникот се совпадне со ден за пост.

Посетите продолжуваат и следниот ден, претпладне, кога се оди на гости кај славениците. Инаку, сите што го носат името Димитар, Димитрија, Диме, Митре или некоја негова варијанта, го прославуваат својот именден токму на овој ден, обично со вечерна прослава.

Народни обичаи за Митровден

Според народната традиција, на Митровден се наложува да се остане дома. Се верувало дека оној што на овој ден не е во својот дом, цела година ќе биде по туѓи куќи и ќе преспива надвор од својот дом.

Постои и верување дека сите големи работи, особено оние на поле или надворешни обврски, мора да се завршат до вечерта пред празникот. Се сметало дека по Митровден времето станува „лажливо“ — зимата може ненадејно да настапи, па затоа се верувало дека е несреќа ако нешто се одложи за по празникот.

Митровден се сметал и за ден кога се претскажува каква ќе биде зимата. Ако денот бил сончев, се верувало дека следува блага зима со малку студени денови. Ако, пак, паднел снег, се верувало дека ќе се задржи до април.

Во некои краишта постоело и верување дека на Митровден не треба да се прекоруваат децата, без разлика колку и да згрешиле или биле непослушни, бидејќи се верувало дека така ќе бидат непослушни цела година.

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе