Во оваа анализа се разгледуваат предизвиците, правните и други механизми за подобрување на условите за работа на новинарите и медиумските работници од аспект на работното време и работното оптоварување, а на крајот дава и препораки за понатамошни активности во таа насока.
Врз основа на истражувањето и анализите спроведени во 2023 година од страна на ССНМ и РЕСИС, токму стресот на работното место, нејасната определеност на работните ангажмани, непредвидливоста на работното време преку неизвесноста на т.н. „работа на повик“ или од дома во неработни денови – се главните проблеми со кои се соочуваат новинарите и медиумските работници. Овие наоди ја наметнаа потребата да се посвети особено внимание на проблемот на работното време и работното оптоварување на новинарите и медиумските работници при изработката на Стратегијата на Самостојниот синдикат на новинари и медиумски работници.
Токму неодреденото работно време доведува и до работно преоптеретување, проблеми со кои сѐ повеќе се соочуваат новинарите и медиумските работници. Овој проблем бара посебен третман за справување со последиците кои ги предизвикува кај медиумските професионалци, а како прв чекор кон тоа е дефинирањето на проблемот, причините како и можните решенија.
ССНМ, во рамките на проектот „Работнички права за независно новинарство“ спроведуван во партнерство со Институтот РЕСИС и поддршка од Европската Унија, изработи пет-годишна стратегија за активностите и работата на синдикатот. Како еден од главните проблеми кои притоа беа детектирани беше и работното преоптеретување. Како прилог кон стратегијата претставува и анализата на Зоран Василевски со наслов РАБОТНОТО ВРЕМЕ И РАБОТНОТО ОПТОВАРУВАЊЕ НА НОВИНАРИТЕ И МЕДИУМСКИТЕ РАБОТНИЦИ (АНАЛИЗА ЗА ПРОБЛЕМИТЕ И ПРЕДИЗВИЦИТЕ НА ЗАКОНСКОТО РЕГУЛИРАЊЕ И СИНДИКАЛНОТО ОРГАНИЗИРАЊЕ).
Во оваа анализа се разгледуваат предизвиците, правните и други механизми за подобрување на условите за работа на новинарите и медиумските работници од аспект на работното време и работното оптоварување, а на крајот дава и препораки за понатамошни активности во таа насока.
Извор: https://ssnm.org.mk/komentari/rabotnoto-vreme-i-rabotnoto-optovaruvanje-na-novinarite-i-mediumskite-rabotnici?utm_medium=paid&utm_source=fb&utm_id=120228145356900531&utm_content=120228145357240531&utm_term=120228145357070531&utm_campaign=120228145356900531&fbclid=IwY2xjawKqiodleHRuA2FlbQEwAGFkaWQBqyLceIDcQ2JyaWQRMUpGSmhEeENxN2g3TzViNGcBHvl-bLlaJEDfATMG3firYVDoG-XNBEv_mfmODsRdp8fJcN44ze0HAZZYWR1Q_aem_af8lJPUYuzpya6SSYG5ErQ