Радовиш
Детската градинка „Ацо Kараманов“, Радовиш ги прави последните подготовки за завршната приредба која ќе се одржи во четврток
Објавено на
Од
Media PressДетската градинка „Ацо Kараманов“ од Радовиш ги прави последните проби за завршната приредба која ќе се одржи во четврток. Во спортската сала 25 Мај во Радовиш со почеток во 18 часот во четврток 29 мај, ќе се одржи завршна приредба на дечињата кои ја завршуваат предучилишната година во градинка и ќе го започнат образовниот процес во основно училиште. 135 дечиња ќе бидат испратени во прво одделение во некои од основните училишта во Општина Радовиш.
Ако се спореди пред десетина години оваа бројка на првачиња е преполовена. Во 2013 година во петте Основни училишта во Општина Радовиш, биле запишани 264 првачиња а годинава 135 првачиња ќе го започнат образовниот процес.
Со последниот попис од 2021 годна Општина Радовиш брои 24 122 жители. Според пописот во 2002 година Радовиш броел 28 244 жители, што значи населението во Општина Радовиш се намалило за околу 4.100 жители за 20 години.
Загрижувачка е состојбата и во нашата најблиска Општина Конче со последниот попис има вкупно население од 2 ,725 жители, а пред 20 години општината броела 3,690 жители односно за околу 1000 повоеќе од денеска.
Па одтука станува јасно зошто бројката на првачиња има драстичен пад, како во Општина Радовиш така и на ниво на цела држава Македонија.
Ако во 2000-та година во училиштата во земјава се запишале речиси 30.000 првачиња, од година в година бројката се намалува.
Така во учебната 2010/2011 година биле запишани 22.224 првачиња, во 2011 година 21.332 во прво одделение, во 2013 година 20.700 ученици.
Во Мај минатата 2024 година во Основните училишта во земјава се запишале 17.200 првачиња.

Поврзани содржини

Преку изработки од рециклирани материјали дечињата од градинките од Струмица упатија јасна порака дека од отпад може да се создаде уметност

ДГ „Ацо Караманов“ Радовиш, со ДЕМАНТ НА ОБЈАВЕНИТЕ НЕТОЧНИ ИНФОРМАЦИИ за сериозна повреда на дете

Дечињата од градинката во Конче, на забавен начин учеа како правилно да селектираат отпад

Велигденска работилница и посета на маскотата „Детелинка“ од радовишката компанија МАКОМ во ДГ „Ацо Караманов“ Радовиш, по повод Велигден

Новогодишна приредба на дечињата во ДГ „Ацо Караманов“ во Радовиш

480 новогодишни пакетчиња за дечињата во детската градинка „Ацо Караманов“ -Радовиш донација од рудникот Бучим
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!


