Општина Струмица започнува со проектот „Мерење и анализа на загадувачи во воздухот на МИКРО локации“, прва општина на Балканот
На 6 локации
во Струмица се поставени сензорски монитори за
откривање на изворите на загадувањето на воздухот. Прва општина во
државата и на Балканот ќе гради мрежа каква што имаат светски метрополи како
Лондон, Париз , Барселона и други.
„Уште
еднаш потврдуваме дека здравјето на граѓаните и чистиот амбиентален воздух се и
ќе останат наш приоритет. По електричниот јавен превоз и велосипедските патеки,
со овој иновативен проект докажуваме дека сериозно се вложуваме во намалувањето
на загадувањето на воздухот во Струмица.
Ова значи
дека секој граѓанин на општина Струмица од денеска е инспектор и ќе може да
следи концентрации за РМ2.5 честички од сензорските монитори, а оваа апликација
ќе биде имплементирана и во Инспекциските служби на општина Струмица, каде
деноноќно ќе се следи загадувањето на воздухот, и ќе можат брзо да реагираат за
да ги санкционираат несовесните загадувачи.
Нашата мрежа
постојано ќе се проширува и надоградува со нови локации и со проширување до
сите населени места. Им благодарам на граѓаните и на невладинте организации кои
го креваа гласот против аерозагадувањето и заедно баравме решенија за чист
воздух во Струмица“ рече градоначалникот Костадинов.
За почеток се поставени 6 сензори но бројот ќе се зголеми
за да се откријата потенцијалните жаришта на загадување на воздухот.
Апликацијата ќе биде поставена на веб страната на Општина Струмица од каде
секој граѓанин ќе може да ги следи податоците. Следниот чекор ќе биде преземање
на одредени активности кон загадувачите со што ќе се реши загадувањето на
воздухот.
Струмица е единствена општина која со сопствени средства го финансира овој проект за поставување на сензори за мерење на амбиенталниот воздух и откривање на загадувачите, рече проф, д-р Сашо Манасов, со чија помош се реализра овој прокет и се надева дека за во иднина ќе се јават и донатори.