Дали кучињата од улиците на Струмица се дислоцираат во Радовиш?
Дали мистериозното исчезнување на маалските миленици е дел од организирана акција? По игра на случајност, куче од струмица се наоѓа во Радовиш стои во објавата на Animal Lovers – Strumica:
“Дали бездомните кучиња од Струмица намерно се дислоцираат!?
Нашето здружение за заштита на животните изразува сериозна загриженост поради дислокација на кучиња од улиците на Струмица, особено случајот со добро познатото куче од плоштадот – „лавче“, кое со недели го бараа загрижени граѓани!По игра на случајност, дознавме дека кучето се наоѓа во Радовиш, по што веднаш се организиравме за негово враќање кај луѓето што се грижеа за него и долго тагуваа поради неговото исчезнување. Радоста на луѓето и кучето беше неопишлива!!
Во повеќе наврати, граѓани не контактираат со сомнеж да не прашаат дали маалски миленици им биле дислоцирани од ЈП Лана? За таа цел, официјално ќе побараме одговор од претпријатието, како и разјаснување на постапките што ги преземаат во однос на уличните животни и како оваа куче стигнало до Радовиш
Струмица е град во кој граѓаните покажуваат голема хуманост кон бездомните кучиња, а многу од нив се постојани хранители и се грижат за овие животни. Но, во последниот период сè почесто добиваме информации за нивно мистериозно исчезнување. Доколку станува збор за организирана акција за дислоцирање или нехуман третман, тоа е сериозен проблем што бара итен одговор и транспарентност од надлежните институции.Ги повикуваме локалните власти, медиумите и јавноста да ни помогнат во откривањето на вистината, бидејќи секое живо суштество заслужува хуман третман и заштита. Нашата борба за безбедноста и добросостојбата на уличните кучиња нема да запре!”