Радовиш се подготвува за одбележување на празникот Богојавление, предвиден е и распоредот на Богослужбите во двата црковни храма
Православната
црква од Радовиш заедно со Општина Радовиш се подготуваат за одбележување на празникот
Богојавление – Водици.
Традиционалното
фрлање на Светиот крст во Радовиш за големиот христијанскиот празник
Богојавление – Водици и годинава ќе биде извршено во малиот базен Шампион.
Екипите од ЈП Плаваја од Радовиш денеска го исчистија базенот најпрво го собраа
отпадот а потоа извршија и перење на истиот. Компанијата Зиго Шпед традиционално
се погрижува за поставување на бина така што подготовките се при крај.
Како што
информираат од Православната црква од Радовиш на 18 јануари во
Сабота во 08 часот ќе се одржи утрена Богослужба со голем Богојавленски Водосвет
во двата црковни храма.
На 19 јануари во недела во двете цркви Свети Пророк Илија и Света Троица, ќе
се одржи Света Богослужба со почеток во 07:00 часот. Во 9:45 часот ќе биде
извршено лицитација на Светиот крст.
Во
10:15 часот тргнување на литијата на чело со свештениците и верниците кои ќе
присуствуваат на Светата Литургија, од црквата Свети Пророк Илија, која ќе се
спои со верниците од црквата Света Троица, па заедно ќе се движи до
базенот Шампион.
Во
10,45 ќе се изврши осветување на водата и фрлање на Господовиот Свет Крст во
водите на Базенот, по кој ќе се фрлаат веќе подготвените и
пријавени лица за да го фатат крстот.
За оној кој
ќе го фати Светиот крст ќе има пригодни подароци од Општина Радовиш, од црквата
и од овогодишниот кум на богојавленската манифестација.