Македонија

ТВ Кобра АНАЛИЗА: Дали трговците ќе ги иселат и оние млади луѓе кои останаа во Македонија. Европски цени во маркетите, македонски плати

Дали трговците ќе ги иселат и оние млади луѓе кои останаа во Македонија, ТВ Кобра анализира. Европски цени во маркетите, а македонски плати.

„Ако сакав да плаќам 10 евра за килограм кашкавал или сирење, 10 евра килограм телешко месо, две евра за 10 јајца, едно до две евра обични тестенини, 1,8 евра рафинирано малсо, ќе се преселев во Германија или во некоја друга европска држава, каде платите се  во просек од 2.000 до 4.000 илјади евра“ вели млад радовишанец кој сакаше да остане анонимен но ја анализираше моменталната ситуација со цените во маркетите во Македонија.

Тој вели дека ситуацијата станува алармантна и нешто треба да се направи за да се стави под контрола „дивеењето“ на цените во маркетите. Бидејќи како што вели „иритира“ секојдневното зголемување на цените на прехранбените производи и на производите за лична хигиена кои граѓаните мора да ги купуваат, а се покачуваат без никаква причина.

„Цената на електричната енергија е стабилна и не се зголемува, горивата исто така, платите се зголемуваат еднаш годишно и не им е јасно на граѓаните што ги зголемува цените на производите, очигледно профитот на компаниите“, вели тој. 

„Иако јас лично имам добра плата бидејќи работам во ИТ секторот, сепак како млад семен човек со две деца, ја чувствуваме оваа непријатна ситуација, а можам да зимислам како се чувствуваат граѓаните кои што работат обични работи за плата од 400 до 600 евра“, вели нашиот соговорник.

Овој млад човек апелира до сопствениците на маркети да им проработи свеста и да не „лакомат“ повеќе за профит, бидејќи ќе се иселат и овие млади луѓе што останаа во Македонија, па ќе им останат како главни потрошувачи пензионерите, со леб и млеко секое утро, а тогаш најмногу корист ќе имаат аптеките но не и маркетите.

Исто така ги спомна и мерките на Владите како на оваа, така и на претходната, за кои вели нешто не е во ред, како уште повеќе да ги потикнуваат трговците да ги покачуваат цените а не да ги намалуваат.

„Нешто не е во ред со оваа политика, потребно е да се работи на свеста и на релација трговци – потрошувачи, бидејќи зависат едни од друѓи“ вели тој.

Телевизија Кобра спроведе онлајн АНКЕТА со прашањето: Дали цените се навистина намалени во маркетите? Речиси сите одговори на граѓаните беа дека не почувствувале намалување на цените, туку напротив пред воведување на мерката „Новогодишна Кошничка“ цените биле зголемени, а потоа намалени само на одредени производи, но пак доста високи за македонски стандард.

Инаку за празниците граѓаните ги наполнија своите трпези но ги изпразнија своите сметки па како ќе биде во наредните денови, како што вели нашиот народ „ќе се крпи некако“.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago