Свечено пуштено во употреба детско рекреативно катче во населеното место Василево
Новото детско рекреативно катче во населеното место Василево денеска свечено беше пуштено во употреба за граѓанита, од страна на градоначалникот на општина Василево Славе Андонв, заедно со претставници на УСАИД, ЛАГ Беласица -Огражден и Мрежата за рурален развој.
Заедно со веќе постоечкото реконструирано игралиште претставува еден мултифункционален спортско-рекреативен простор во кој ќе уживаат најмладите но и повозрасните жители на населеното место Василево. Опремено е со реквизити и справи за спорт и рекреација, хортикултурно уредено со зимзелени и листопадни дрвца, оградено и опремено со клупи за одмор и канти за отпадоци.
Градоначалникот Андонов изрази благодарност до партнерите – УСАИД, ЛАГ Беласица-Огражден и Мрежата за рурален развој, кои ја препознале добрата идеја, застанале зад иницијативата на општината и граѓаните и се вклучиле во нејзина реализација, благодарение на што денес граѓаните на Василево се побогати за еден мултифункционален уреден простор од отворен тип, каде што ќе поминуваат убави моменти. Пред околу две години, општина Василево во соработка со истите партнери, УСАИД и ЛАГ Беласица – Огражден, во рамки на Програмата за развој на заедницата во партнерство со Мрежата за рурален развој на Македонија, изгради парк во населеното место Чанаклија.