Connect with us

Радовиш

ЈП Плаваја – Радовиш, бара алтернативни решенија за квалитетно водоснабдување

Media Press

Објавено на

Во изминатиот период се соочувавме и сеуште се соочуваме со континуиран недостиг на вода од филтер станицата „Трска“ и подземните водозафати „Амбари“ и „Градски водовод“ заради екстремно лошите хидролошки услови и падот на подземните води, информираат од ЈП Плаваја Радовиш во однос на водоснабдувањето во општина Радовиш.

„Со цел да се зачува квалитетот на водоснабдувањето на соодветно ниво, тимот на ЈП„Плаваја“ интензивно бараше алтернативно решение за овој проблем и откако се утврдија можностите, започнавме во текот на изминатите две недели и секојдневно работевме на обезбедување на нови количини на вода, на други алтернативни и одржливи начини, за да ги дополниме количините на вода кои недостасуваат поради екстремните суши.

Извршивме инспекција на стариот цевковод ПВЦ Ф150mm во должина од околу 2000m кон населбата „Куклевица“ го дезинфициравме и перевме три пати бидејќи не беше во функција 5 години.

Откако го оспособивме цевководот во текот на минатиот викенд работевме на поставување на нова пумпна станица паралелно со постоечката за населбата „Куклевица“ и Раклиш со што успеавме да обезбедиме 15-17 литри во секунда преку стариот цевковод, што ќе се овозможи континуирано полнење на резервоарот „Полигон“ и постојано водоснабдување на наведеното подрачје.

Како последица од изградбата на новата пумна станица неминовно се очекуваше да се појави недостаток на вода од бунарското поле „Воиславци“ и за да ги задоволиме потребите осопособивме два бунари (дезинфицирани и тестирани во празен 72 часа) од кои немаше потреба во изминатиот петгодишен период затоа што беа задоволени потребите за црпна вода на ПС„Куклевица“ и ПС„Индустриски водовод“.

Вградивме две нови пумпи и со автоматика (од „ладна“ резерва) со што обезбедивме потребни количини вода во собирниот резервоар за да може да работат сите инсталирани потисни пумпни агрегати.

Од денес работиме со зголемен капацитет кон резервоарот „Полигон“.

Но и покрај ова тимот во ЈП„Плаваја“ не престанува да бара нови количини на вода од други издани и модификации на системот со други технички решенија, за да се обезбедат потребите за вода за пиење за сите корисници, да обезбедиме континуирано водоснабдување и во вакви периоди во кои преовладува екстремно топло време и слаба хидролошка состојба.

Свесни сме дека овие зафати ќе ја зголемат потрошувачката на електрична енергија и трошоците за производството на вода за пиење по метар кубен, НО ВЕРУВАМЕ ДЕКА И ВАШАТА СВЕСТ ЌЕ ПРОРАБОТИ и дека во иднина ќе ги намалите непотребните количини на вода за разладување, наводнување на тревници, земјоделски култури и слично“ стои во информацијата од Јавното претпријатие Плаваја, од каде сите напори се насочени кон обозбедување на питка вода за секој граѓанин, поради што постојано апелираат на совесно трошење на водата, бидејќи со текот на годините и климатското затоплување се помалку ќе ја има.

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе