Македонија

Општина Валандово најтранспарентна од 10-те општини во Југоистокот, во првата група за многу добра транспарентност влегува и Општина Радовиш

Центарот за граѓански комуникации го објави редовното годишно рангирање на инсититуциите, министерствата и општините според Индексот на активна транспарентност за 2024 година.

Рангирањето се спроведува секоја година од 2016 година наваму. Опфатени се 98 институции, односно Владата и сите министерства и општини според проактивното објавување информации од јавен карактер.

Според Индексот просечната активна транспарентност на министерствата, на Владата и на општините за 2024 година изнесува 80 % (од максимално можни 100 %) и во однос на лани е подобрена за 4 процентни поени (од 76 % на 80 %).

Активната транспарентност на министерствата и Владата изнесува 86 %, а на општините 79 %. Во однос на лани, кај министерствата нема напредок, а општините се подобриле за 5 процентни поени.

Од владините институции, максималните 100 % активна транспарентност годинава ги задржа само Министерството за одбрана, кое четврта година по ред ги објавува сите предвидени информации од активната транспарентност. Владата падна од ланското прво место и 100 % на 40 -то место со 87 % активна транспарентност.

За прв пат годинава, дури пет општини, Валандово, Берово, Битола, Кавадарци и Кичево остварија 100 % активна транспарентност.

Од општините од Југоисточниот регион со многу добра транспарантост од 100% се оценува Општина Валандово. Потоа Општина Богданци и Општина Гевгелија имаат 91,4 трансапрентност, веднаш по нив е Општина Радовиш со 90% транспарентност.

Струмица има 88,9% транспарентност, потоа следуваат  Општина Василево со 87%, Конче со 85,5%, Ново Село со 84,1% и Босилов со 81,2% транспарентност.

Општина Дојтан е оценета како просечно транспарентна општина со 51,4% како нај нетранспарентна општина во регионот.

Својата активна транспарентност ја подобриле 71 % од вклучените институции.

Меѓу регионите, Источниот Регион ја задржа и дури ја подобри лидерската позиција во однос на другите региони (со 88 % активна транспарентност), додека Скопскиот Регион за многу малку ја избегна последната позиција на којашто се наоѓаше со години. Сега, на последно место е Североисточниот Регион (со 72 % активна транспарентност).

Најмалку информации министерствата објавуваат за своите надлежности (78 % од можни 100 %), а општините за финансиите (67 % од можни 100 %).

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

4 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago