Полициски службеници од Одделението за внатрешни работи Радовиш вчера ги лишиле од слобода Ш.Б.(21), А.Б.(32), О.К.(28) и уште едно малолетно лице, сите од Радовиш, кои биле затекнати при вршење на кривични дела „тешка кражба“ на подрачјето на Радовиш, а кај нив биле пронајдени и предмети од извршените кривични дела.

Лицата се задржани во полициска станица и во текот на денешниот ден со нив ќе бидат извршени службени разговори, поради сомнение дека се сторители и на други кривични дела тешки кражби и кражби, извршени во претходниот период на подрачјето на Радовиш.

За настанот е запознаен Јавен обвинител од Основното јавно обвинителство Радовиш и по целосно документирање на случајот против нив ќе биде поднесена соодветна пријава.

Зонското паркирање во Радовиш започна да функционира и во пракса. Веќе се испраќаат и првите пораки за платено паркирање за еден час. Како што вели раководителот на Паркинзи во ЈП Плаваја – Радовиш Станојче Миленков, за два дена се поднесени над 200 барања за обезбедување на месечен паркинг од страна на станари кои немаат услови за сопствено паркинг мести како и од вработени кои работат во опфатот на зоната на паркирање.

Барање за месечен паркинг че може да поднесуваат и граѓаните кои што живеат во странство, кога ќе си доаѓаат на одмор, а нивниот дом е во опфатот на зонското паркирање.

До крајот на овој месец ќе има одредена толеранција и разбирање кон граѓаните но од месец октомври зонското паркирање ќе функционира како што треба согласно законот.

Делегација од Турција денеска беше во посета на Општина Радовиш. Поводот беше потпишување на договор за збратимување помеѓу  ООУ „Крсте Петков Мисирков“ од Радовиш  и училиштето од Ташкопру, Општина Јалова од Турција.

Градоначалникот на Општина Радовиш Ацо Ристов изврши прием на турската делегација при што беше потпишано збратимувањето на двете училишта со цел за идна соработка во областа на образованието. Градоначалникот Ристов рече дека се надева од оваа соработка со размена на искуства ќе се постигне заедничката цел за подобро образование.

Директорото на училиштето одТашкопру, Абдулах Далгич рече дека во Радовиш се чувствуваат како дома поради топлиот пречек и се радува што нивното долгогодишно пријателство сега е и официјално.

Доректорката на ОУ „Крсте Петков Мисирков“ Лујза Спасова и посака добредојде на делегацијата од Турција со која како што рече веќе имаат долга соработка која од сега ќе биде и официјална со потпишување на збратимувањето. Таа додаде дека и во иднина треба да учат едни од други и да се надоградуват.

 На крајот Градоначалникот на Општина Радовиш Ацо Ристов и турската делегација си разменија пригодни подароци пренесувајќи топли поздрави од градоначалникот на турската општина Јалова.