Општинска народна библиотека ,,Браќа Миладиновци” во Радовиш со пригодна свеченост ја одбележа 66 годишнината од основањето и постоењето.

 На свеченоста, со музичка содржина свој придонес дадоа членови на музичката секција при ООУ ,,Крсте Петков Мисирков” од Радовиш предводени од професор Александар Ицов а со сценски драмски приказ насловен како ,,Т’га за југ” се претстави и драмската секција при истото училиште под менторство на професор Томе Постолов.

За соработка и подршка на библиотеката во текот на 2023 година благодарници им беа доделени на: Oпштина Радовиш, ООУ ,,Крсте П. Мисирков”, Образовниот центар ,,Едуко”, Детската градинка ,,Ацо Караманов” и ТВ ,,Кобра”.

Благодарници за соработка и придонес во активностите на библиотеката беа доделени и на тројца професори и тоа: Томе Постолов, Александар Ицов и Јовица Илиќ.

За најдобри читатели за 2023 година прогласени беа: Нада Шлукарова за највозрасен читател, Лила Кукутанова за најактивен читател, Викторија Митева за најдобар млад читател и Срна Ценева за најмлад детски читател.

Шестата по ред Поетска манифестација за деца и млади „Пролет на сребрените соништа“ и годинава се одржува во Радовиш.

Манифестацијата се одржа во ЦК „Ацо Караманов“ со воведно обраќање на Ксенија Маказлиева Трајчева, а свечено беше отворена од директорката на ОУ „Крсте Петков Мисирков“ од Радовиш, Гордана Здравкоска. Професори, наставници, поети и други гости беа дел од настанот, а присутен беше и градоначалникот на Општина Радовиш Ацо Ристов.

Во рамките на Манифестациата се одржа еднодневно советување на тема Талентираните и надарени деца предизвик за современото воспитание и образование на кое свое излагање имаа Проф.д-р Снежана Мирасчиева  и Проф. Д-р Кирил Барбареев од УГД Штип, и проф. Д-р Лена Дамовска од УКИМ Скопје.

Дводневната манифестација ќе продолжи и утре со свечено додлеување на наградите по распишаниот конкурс.

Зонското паркирање во Радовиш започна да функционира и во пракса. Веќе се испраќаат и првите пораки за платено паркирање за еден час. Како што вели раководителот на Паркинзи во ЈП Плаваја – Радовиш Станојче Миленков, за два дена се поднесени над 200 барања за обезбедување на месечен паркинг од страна на станари кои немаат услови за сопствено паркинг мести како и од вработени кои работат во опфатот на зоната на паркирање.

Барање за месечен паркинг че може да поднесуваат и граѓаните кои што живеат во странство, кога ќе си доаѓаат на одмор, а нивниот дом е во опфатот на зонското паркирање.

До крајот на овој месец ќе има одредена толеранција и разбирање кон граѓаните но од месец октомври зонското паркирање ќе функционира како што треба согласно законот.