Василево
Заврши реновирањето на училиштето во Висока Маала
Заврши реновирањето на училиштето во Висока Маала со средства од Rumeli Türkleri Kültür ve Dayanışma Derneği од Турција и обезбедени средства од општина Василево, со што училиштето доби целосно нов изглед. Реновирањето на училиштето во Висока Маала опфати реконструкција на кровот, нови клупи, столови, нов под во училниците, нови училишни тоалети, нови печки за загревање на училниците.
На свечен начин, со сечење лента, во присуство на многу гости и претставници од донаторот – Културно хуманитарното здружение на Македонците од Румелија, беше пуштено во работа реновираното подрачно училиште „Атанас Нивичански“ во Висока Маала. Присутните ги поздравија претседателот на Здружение на Македонците од Румелија, Аднан Шахинлер, претседателот на Движењето за национално единство на Турците, Ердоган Сарач, Генералниот конзул на РСМакедонија во Истанбул, Актан Аго и градоначалникот на општина Василево Славе Андонов.
„Поединецот за да биде корисен за семејството и државата потребно е да се образува. Огромна можност и предност е тоа што турските деца што учат во РМакедонија, учат на својот мајчин јазик“, рече генералниот конзул, притоа како во конкретниот случај, потенцирајќи го значењето и потребата од помош и поддршка од невладините организации и граѓаните.
Задоволство од реализацијата на проектот изрази и градоначалникот на општина Василево, Славе Андонов, кој потенцира дека големината на проектот е во тоа што се работи за децата, за нивната иднина, и дека проектот е реализиран благодарение на воспоставената соработка со партнерите од Р.Турција, која се темели пред се на искрено пријателство и коректни партнерски односи.
Во овој објект настава посетуваат учениците од прво, второ и трето одделение, кои додека траеше реновирањето, учеа во две смени, заедно со учениците од четврто и пето одделение, во училишниот објект на влезот од населеното место.
Општина Василево денеска асфалтира улица во село Сушево која претставуваше деценисики проблем на граѓаните.
Градоначалникот на општина Василево Славе Андонов, денес беше во населеното место Сушево, каде присуствуваше на асфалтирањето на улицата чија изградба деновиве се одвиваше во континуитет.
Изградбата на оваа улица е планирана со Програмата за изградба, реконструкција, одржување на локални патишта и улици за 2022 година.
Улицата е со должина од 75 метри и ширина од околу 3,5 метри односно асфалт од 275 м2. Лоцирана е на почетокот од населеното место и ги поврзува жителите кои живеат покрај неа со главниот локален пат.
Средствата во висина од 334 508 денари се обезбедени од општинската каса.
Според информација од градоначалникот Андонов за утре е планирано асфалтирање на улицата во населеното место Едрениково, чија изградба исто така се реализира како дел од минатогодишната Програма за локални патишта и улици во општина Василево.
Чистење на дивите депонии низ наслените места во општина Василево.
ЈПКД „Турија“, во координација и соработка со општина Василево реализираше низа комунални активности, односно чистење на диви депонии и уредување на земјени патишта во повеќе населени места на општината. Исчистени се дивите депонии во населените места Чанаклија, Василево и Радичево. Пробиени и порамнети се неколку улици од наноси на земја и песок во населеното место Чанаклија.
„Од сите нас зависи во каква општина ќе живееме. Свесноста и личната одговорност треба да ни се врвен приоритет. Да градиме одговорна заедница“, порача градоначалникот на општина Василево Славе Андонов, споделувајќи ја информацијата за реализираните активности од страна на ЈПКД „Турија“, Василево, на социјалните мрежи.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
