Connect with us

Василево

Вонредна седница на Советот на општина Василево

Avatar

Published

на

Советот на општина Василево вчера одржа Вонредна седница на чиј дневен ред беа четири Предлог-одлуки кои се однесуваат на аплицирање на предлог-проекти од страна на општина Василево по Јавните повици објавени од државните институции. Оправданоста за итноста на седницата ја образложи градоначалникот на општина Василево, Славе Андонов, кој рече дека е поради почитување на роковите за поднесување на апликациите по распишаните јавни повици.

Советниците имаа усогласен став и едногласно ги прифатија сите предлози кои се однесуваат на обезбедување сопствено учество на општина Василево во три различни проекти. Проектот за реконструкција на улица во с. Василево од мал парк „Методиј Митев“ до клучка за с. Пиперево и с. Добрејци општината ќе го аплицира до БРР (Бирото за регионален развој) преку Програмата за рамномерен регионален развој  за 2023 година  и тоа во однос на Проекти за развој на села и  Проекти за развој на подрачја со специфични развојни потреби. Сопственото учество на општина Василево во реализацијата на овој проект би  било 21% од вкупната  вредност на проектот.

Едногласно беше усвоена и предлог-одлуката за сопствено учество на општина Василево во проект за изградба на дел од канализационен систем во с. Василево, за  кој општината ќе достави апликација до Министерството за транспорт и врски, во рамки на Јавниот повик за 2023 година за поддршка на имплементацијата на Декадата и Стратегијата за Ромите.

Советниците беа усогласени и по последната точка од дневниот ред на денешната Вонредна седница, која се однесува на сопствено учество на општина Василево во проектот „Изградба на фекален канализационен систем за с. Ангелци- крак 15, чија апликација ќе биде доставена по Јавен повик објавен од Министерството за локална самоуправа.

Василево

Дечињата од детската градинка „Прва радост“, Василево, ја најавија пролетта

Avatar

Published

на

Дечињата од детската градинка „Прва радост“, Василево, денес, со прошетка низ Василево, заедно со нивните воспитувачки,  го најавија доаѓањето на пролетта.

Маскирани во боите на пролетта, нивните омилени јунаци и кокичињата кои  први ја најавуваат пролетта, веста за нејзиното доаѓање ја споделија и со градоначалникот на општината Славе Андонов, кој им посака  секој ден да им биде среќен и весел, токму како денешниот.

Детските насмевки и смеата беа потврда дека вистински уживаат во денешната улога- весници на пролетта.

Инаку пролетта која започнува денеска на 21 март, ќе трае до 21 јуни кога календарски започнува летото. Летното сметање на времето, пак, ќе почне ноќта меѓу 29 и 30 март кога часовниците ќе треба да се поместат еден час нанапред.

Рамноденицата, играла значајна улога во културата на сите цивилизации од минатото. Почетокот на пролетта бил поврзан со почеток на земјоделските работи, или со приложување на жртви заради успешен род. Пролетната рамноденица била прославувана и како почеток на новата година.

Прочитај повеќе

Василево

Советот на општина Василево ја одржа 36-та седница, усвоени завршните сметки на општината и институциите во нејзина надлежност

Avatar

Published

на

Вчера, Советот на општина Василево ја одржа редовната 36-та седница, на чиј дневен ред по дополнувањето беа вкупно шест точки, меѓу кои и Завршните  сметки за 2023 година на општина Василево, на двете основни општински училишта „Гоце Делчев“, Василево  и „Атанас Нивичански“, Нова Маала, како и Завршната сметка на ЈПКД „Турија“; Василево.

Сите точки го добија потребното мнозинство и беа изгласани од страна на Советот на општина Василево. Дискусија предизвика Завршната сметка на Комуналното претпријатие „Турија“, кое според Извештајот  за 2023 покажува загуба во работењето во износ од 918 101 денари.  Вкупните приходи на претпријатието, по сите основи во 2023 година се 20 664 376 денари, а расходите изнесуваат  21 582 477 денари. Образложение даде и градоначалникот на општина Василево Славе Андонов, кој причините за негативното салдо ги лоцираше во недостигот од работна рака, зголемување на  износот на дневниците на ангажираните работници, како и во средствата вложени во  сериозните поправки   на возилата за смет,  неопходни за нормално функционирање на Јавното комунално претпријатие. Од страна на Советниците беше посочен и проблемот со ниската цена на услугите, посебно на цената за собирање на смет, како и проблемот со големиот број граѓани-неплаќачи, кои и покрај тоа што се редовни корисници на услугите, сметките не си ги подмируваат. Без дискусија и  без расправа, со 8 гласови „за“,  усвоена беше и Завршната сметка на Буџетот на општина Василево за 2023 година. Согласно материјалите доставени до советниците од страна на Одделението за финансии, во Буџетот на општина Василево во кој спаѓаат и буџетите на единките корисници односно основните училишта и детската градинка,  од планираните 198 322 457 денари, реализирани се 171 752 686 денари. Кај основниот Буџет (Буџетот на општината без буџетите на единките корисници), од планираните 87 000 000 денари, реализирани се 71 869 453 денари.
Советниците на оваа седница ги усвоија и Предлог-програмата за измена и дополнување на Програмата за изработка на урбанистички планови во општина Василево за 2024 година и Предлог-програма за спроведување на општите мерки за заштита на населението од заразни болести и План за спроведување на дезинсекција и дератизација во 2024 година

Прочитај повеќе

Василево

Целосно исчистена дивата депонија во с. Василево

Avatar

Published

на

Дивата депонија во населеното место Василево, лоцирана во близина на големото фудбалско игралиште е целосно отстранета. Ридовите отпад депонирани на површина од околу 20 декари се дислоцирани, просторот е израмнет и подготвен за негово идно планско уредување.

Отпадот беше дислоциран на депонијата Шапкар во Добрашинци и старата депонија во с. Василево, каде што граѓаните и во иднина ќе може да одлагаат отпад .

Aктивностa за дислокација на депонијата која повеќе од една деценија го загадуваше централното подрачје на Општина Василево, започна во средината на минатиот месец. Местото на кое се наоѓаше дивата депонија  како шти најавува градоначалникот Славе Андонов, ќе биде соодветно уредено.

Прочитај повеќе