Радовиш
Симулациска вежба при пожар, рушевини и евакуација на лица од ООУ „Никола Карев“ во Радовиш
Сирените од противпожарните возила кои се слушаа денеска во Радовиш не беа поради предизвикан пожар, туку стануваше збор за организирана вежба во ООУ “Никола Карев“.
Територијална Противпожарна Единица (ТППЕ) во соработка со Црвен Крст- Радовиш и Итната медицинска помош при ЈЗУ,,Здравствен дом” Радовиш, изврши симулациска вежба пожар, рушевини од пожарот и евакуација на лица од централната зграда на ОУ „Никола Карев“. По звукот на сирените учениците за кратко време беа евакуирани од училиштето и построени во дворот за пребројување.
ТППЕ Радовиш изврши обука на вработените и учениците со цел правилно да постапат во случај на вакви видови опасности . Во вежбата беа вклучени околу 400 ученици, наставниците, административно-педагошката служба и техничкиот персонал. Свој придонес дадоа и волонтерите од Клуб на млади на ООЦрвен крст – Радовиш, преку симулирање на спасување и евакуација на повредени лица заедно со службата за Итната медицинска помош.
Вежабата е одржана на барање на училиштето а целта беше проверка на ефикасноста и функционалноста на планот за заштита и спасување во училиштата, увежбување на истите и отстранување на евентуалните недостатоци. Директорот на училиштето рече дека на првиот наставнички совет ќе ја анализираат вежбата, сите мали недостатоци да ги отстранат и при таква несакана ситуација да бидат подготвени. Истата генерално беше оценета како успешна.
Симулациски вежби со утврдено сценарио, понатаму, ќе бидат спроведени и во подрачните училишта на ООУ,,Никола Карев” Радовиш во с.Бучим, с.Тополница и с. Прналија.
Започна изградба на новиот Градски пазар во Радовиш, прва капитална инвестиција од вакви размери.
Денеска во рамките на одбележувањето на празникот на градот 6-ти Ноември, денот на ослободувањето на Радовиш, на пригодна свеченост беше поставен камен темелник на нов, современ и модерен Градски пазар, во присуство на повеќе граѓани, бизнисмени и деловни соработници на Општина Радовиш.
„Мене ми припадна честа да го започнам и да го изградам ваков капитален објект кој беше барање на граѓаните со години, а тоа е нов Градски пазар со катна гаражи и останати деловни простории“, рече градоначалникот Ацо Ристов на свечениот чин на поставување на камен темелник. Со изградбата на пазарот рече градоначалнико Ристов, граѓаните на достоинствен начин ќе ги продаваат своите земјоделски производи.
На поставувањето на камен темелник на новиот Градски пазар беше присутен и претседателот на ВМРО -ДПМНЕ Христијан Мицкоски.
Во Радовиш ќе се гради градски пазар во вредност од 2 милиони евра, ова е прва капитална инвестиција од ваков вид после долги години, која радовишани долго ја очекуваа.
Радовиш
ЈЗУ Здравствен дом – Радовиш се збогува со уште еден доктор – специјалист. Д-р Роберт Велков замина во пензија
ЈЗУ Здравствен дом – Радовиш се збогува со уште еден доктор – специјалист кој замина во пензија. Станува збор за д-р. Роберт Велков, специјалист по Интерни болести кој го посвети своето лекарско искуство и знаење на граѓаните од Општините Радовиш и Конче, се до своето пензионирање. Благодарност за посветеното работење како единствен интернист последните неколку години, упатуваат и од менаџерскиот тим на Здравствениот дом од и од останатиот медицински персонал со подарување на Благодарница.
„Среќно пензионирање на д-р. Роберт Велков специјалист по Интерни болести. Благодарност голема до вас за целиот ваш труд и посветеност во Здравствениот дом. Ви посакуваме убавии пензионерски денови“ велат од Здравствен дом Радовиш, на последниот ден од неговото пензионирање.
Инаку д-р роберт Велков им е познат на јавноста не само како лекар – интернист туку и како некогашен градоначалник на Општина Радовиш. Тој беше прв човек на Општина Радовиш два мандати и тоа од 2005 до 2009 и од 2009 до 2013 година како кандидат од политичката партија на ВМРО – ДПМНЕ.
Среќни пнзионерски денови д-р Роберт Велков, ви посакува и ТВ Кобра, Радовиш.
МЗШВ: Објавен јавен повик преку програмата за рурален развој за поддршка при набавка на комбајни за жито
Општинската библиотека ,,Браќа Миладиновци” во Радовиш одбележа 66 ГОДИНИ ПОСТОЕЊЕ
Трансформација на салата Борис Трајковски за одржување на 30-от министерски состанок на ОБСЕ
Посебен режим на сообраќај на 29 и 30 ноември во Скопје
