Радовиш
Кои се придобивките од здравиот начин на исхрана, предавање во ООУ” Крсте Петков Мисирков” во Радовиш
Предавање за влијанието на здравата храна врз развојот кај децата и придобивките од здравиот начин на исхрана беше одржано во ООУ” Крсте Петков Мисирков” во Радовиш. Предавањето се реализираше во соработка на нутриционистот Валентина Глигорова, а со поддршка на Советот на родители на училиштето.
Директорката на училиштето Гордана Здрвакоска, со мал вовед ги запозна ученици колку здравата исхрана е значајна за секого.
„Постојат два вида убавина, надворешна и внатрешна“ рече Здравкоска појаснувајќи дека до надворешна убавина се доаѓа со обично дотерување, но внатрешната зависи од исхраната и од чувствата, односно мислите.
Нутриционистот Валентина Глигорова во своето предавање ги запозна учениците колку овошјето и зеленчукот се важни за нивниот развој, за да се изградат во една здрава личност.
„Најмногу во текот на денот треба да консумираме овошје и зеленчук, околу 80 % од нашата исхрана а 10% се протеини. Денот треба да го започнеме со овошје бидејќи во него имамаме чисти шеќери, тоа ни дава енергија да издржиме во текот на денот, исто е значајно да јадеме и зеленчукот, а се друго доаѓа потоа , житарки, месо, риба, јајца…“, вели Глигорова.
„Меѓународниот детски фолклорен фестивал Оро Весело -2023“ и годинава ќе се одржи во Радовиш, во сабота на 3 јуни, а во чест на празникот Света Троица, кој некогаш бил празник на градот, а сега е празник на црковниот храм Света Троица.
ФА „Бучим“ од Радовиш, по 23 пат е организатор на фестивалот Оро Весело, на кој ќе учествуваат 12 фолклорни ансамбли од Македонија и 2 од соседните државо Србија и Бугарија.
На фестивласката вечер која ќе се одржи во Спортската сала „25-ти Мај“ во Радовиш со почеток од 19 часот, и претходи дефиле низ градот, прием кај градоначалникот на Општина Радовиш Ацо Ристов, а во 18:30 часот децата ќе бримат благослов од свештените лица во црковниот храм Света Троица, по што ќе се одржи фестивалот, кој на некој начин веќе стана белег на Радовиш.
Домаќините ФА Бучим од Радовиш кои се организатори на „Меѓународниот детски фолклорен фестивал Оро Весело“ ќе настапат со дечињата од школата за традиционален фолклор и две детски групи.
Инаку ФА Бучим во моментот брои околу 80 млади членови, а некогаш оваа бројка се движела околу 160 фолклористи.
Радовиш
Младите одбојкари од ООУ „Коста Рацин“ од Подареш го освоија првото место на Државното првенство во одбојка
Градоначалникот на општина Радовиш Ацо Ристов оствари прием на учениците, спортисти-одбојкари од ООУ „Коста Рацин“ од Подареш.
Повод за овој прием од страна на Градоначалникот беше освојувањето на првото место на Државното првенство во одбојка – Мали олимписки игри, организирано од Федерација на училишен спорт на Македонија.
Градоначалникот Ацо Ристов и Претседателот на Советот Моника Трајанова им ги честитаа постигнатите успеси, со надеж дека истите ќе продолжат.
Градоначалникот Ристов рече дека е горд на младите спортисти што упешно го промовираат Радовиш како град и спортот во него и најави поддршка на клубот и во иднина.
Постигнатите успеси на овие наши млади одобојкари се под менторство на професор Симеон Џеков, која го формира клубот и активно ги подготвува младите одбојкари. За таа цел од пред речиси една година Спортската сала „25 Мај“ во Радовиш со мали измени за обележување на теренот и поставување мрежа, створи услови за за тренирање на одбојкарите. Тие веќе извесен период забележуваат успеси за сега да станата прваци на Државното првенство во одбојка – Мали олимписки игри, организирано од Федерација на училишен спорт на Македонија.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
