Connect with us

Радовиш

„МИРЕН СОН ДВА БРАТА“ од Штип влегува во Радовиш и отсега ќе ги врши погребалните услуги

Media Press

Објавено на

Информацијата која постепено се шири во јавноста по известувањето од страна на ЈП Плаваја, Радовиш, дека погребалните услуги отсега ќе ги врши фирма-оператор, почнува да ги загрижува граѓаните, посебно оние кои веќе се соочиле со користење на услугата за погребалната услуга на приватниот оператор, за која издовиле околу 18.000 денари.

Но отворено засега реагираат на оваа новина, само граѓаните од Ораовица бидејќи и тие се опфатени со оваа услуга како и граѓаните од Раклиш и од Подареш.

Токму затоа претседателот на месната заедница Изведен од Ораовица, излезе со отворен повик до сите заинтересирани да присуствуваат на СОСТАНОК ВЕЧЕРВА СО СОПСТВЕНИКОТ НА ОПЕРАТОРОТ.

„Почитувани сега е моментот потоа да не се правеме паметни вака требa, јас мислам вака. Затоа почитувани граѓани на село ОРАОВИЦА во врска со негодувањето околу цената на погребалните услуги како Претседател на МЗ Изведен ве повикувам на ден 17.01.2023 година со почеток во 19:00 часот на селска конференција во салата на ФА.КИТКА. Присутен ќе биде сопственикот односно вршителот на погребалните услуги ќе биде присутен и преставник на ЈП Плаваја“, стои во објавата.

Инаку со известување за оваа нова услуга и нова давачка за граѓаните, пред неколку дена излезе и ЈП Плаваја, која отсега ќе ја врши само дејноста управување со гробишта, а не и погребални услуги.

„Врз основа на член 4 и член 18 став 4 од Законот за гробишта и погребални услуги, ЈП Плаваја Радовиш на ден 03.01.2023 година по поднесено барање склучи Договор со оператор на погребални услуги ДПТУ ,,МИРЕН СОН ДВА БРАТА Б-Т,, ДООЕЛ од Штип.

Согласно одредбите од Законот за гробишта и погребални услуги и донесените одлуки од страна на Советот на општина Радовиш – ЈП Плаваја Радовиш е управител на гробишта и тоа на гробиштата во град Радовиш и населените места Раклиш, Ораовица и Подареш и ќе ја врши дејноста управување со гробишта.

Со склучувањето на Договорот, а согласно законските одредби погребалните услуги ќе ги врши Операторот на погребални услуги ДПТУ ,,МИРЕН СОН ДВА БРАТА Б-Т,, ДООЕЛ од Штип и граѓаните ќе треба за овие услуги да се обраќаат до него на тел.бр. 075 264 160“ стои во известувањето од ЈП Плаваја, Радовиш.

За тоа колку ќе чини еден погреб отсега, вклучувајќи сандак, превоз, венец, крст и копање на гроб, од операторот дознаваме дека цената за основниот пакет ќе изнасува од 15.000 до 18.000 денари, во зависност дали е погребот во градот или во село. Цената може да биде и повисока, доколку се бара поскап сандак.

Инаку Согласно законот, до ЈП Плаваја во Радовиш можат да поднесат барање и други лиценцирани оператори за вршење на погребални услуги, за што ЈП Плаваја ќе треба да склучи договор и со нив. Согласно законот од 2010 година на ЈП Плаваја и се одземени погребалните услуги и истите можела да ги врши се додека не се пријави ОПЕРАТОР да ги врши погребалните услуги, каков што е случајот со формата од Штип.

Досега погребалните услуги во Радовиш ги вршеше ЈП Плаваја, за што граѓаните плаќаа по 90 денари месечно за солидарен фонд, со што ги следуваше и едно гребно место доколку немаат сопствен гроб. Со новите измени за нов гроб ќе треба да се плати на ЈП Плаваја 10.400 денари и по 120 денари месечно за управување, односно одржување на гробишта.

Радовиш

Малолетник физички ја нападнал неговата мајка

Media Press

Published

на

На 26.10.2026 во 13:40 часот во Радовиш, полициски службеници од СВР Струмица-ОВР Радовиш лишија од слобода 16-годишен малолетник од Радовиш. Според пријавеното, тој во семејниот дом физички ја нападнал неговата мајка. Извршен е службен разговор во присуство на родител и службени лица од Центар за социјални работи Радовиш. По документирање на случајот ќе биде поднесен соодветен поднесок.

Прочитај повеќе

Радовиш

ОГЛАС ЗА ВРАБОТУВАЊЕ: МАРТИ ХИГИЕНА СТРУМИЦА

Avatar

Published

на

МАРТИ ХИГИЕНА СТРУМИЦА има потреба од вработување на работно место:

ХИГИЕНИЧАРКА (за територија на Општина Радовиш)

УСЛОВИ ЗА РАБОТА:

Пријатна и колегијална работна средина

Целосно обезбедени материјали и реквизити за работа

3 слободни дена во неделата

Одлична / Екстра плата

Заинтересираните кандидати можат да се информираат и аплицираат на:

078/314-801

МАРТИ ХИГИЕНА – Професионална фирма за чистење и одржување на приватни и деловни објекти.

Прочитај повеќе

Радовиш

„КОПНЕЖ КОН СВЕТЛИНАТА“ самостојна изложба на уметникот Душан Коцев, во Радовиш

Media Press

Published

на

„КОПНЕЖ КОН СВЕТЛИНАТА“ 8-ма самостојна изложба на уметникот Душан Коцев од Радовиш која ќе се одржи во Музеј на љубовта и уметноста во Радовиш. Изложбата ќе биде отворена на 21.09 во понеделник, со почеток во 20:00 часот. Истата се организира во соработка со Центар за култура „Ацо Караманов“, Радовиш и Општина Радовиш.

Душан Коцев е сликар од Радовиш, роден 1959 година каде живее и работи. Рударски инженер кој активно 35 години работел во рудник Бучим, во моментот пензионер.

Како ликовен уметник активно работи 33 години, апстрактен експресионизам, кој претставува негов личен израз, а исто така успешно работи реализам и импресионизам.

Душан Коцев е главен иницијатор за обновувањето на Друштвото на ликовни уметници во Радовиш. Во 2014 година е избран за претседател на „Рада ДЛУР“ – Радовиш.

Како претседател на друштвото досега органзирал 11 меѓународни ликовни колонии во Радовиш од кои произлегле бројни ликовни дела.

Прочитај повеќе