Радовиш
Денеска и утре во Радовиш се одржуваат 49 Караманови поетски средби
Денеска и утре во Радовиш се одржуваат 49 Караманови поетски средби, кој годинава се одржуваат во просториите на ОНБ „Браќа Миладиновци“. Добредојде на присутните гости и поети учесници во манифестацијата им посака Борче Панов, претседател на Карамановите поетски средби.
Поздравно обраќање во името на градоначалникот Ацо Ристов, имаше секретарот на Општина Радовиш, Љупче Почивалец.
Беседа за Ацо Караманов имаше проф.д-р Христо Петрески, претседател на Друштвото на писатели на Македонија, кој се осврна и за големината на Ацо Караманов, читајќи дел од неговата поезија напишана на само16 години, пред прерано да згасне неговиот живот.
Во рамките на манифестацијата денеска беше одбележан и Јубилејот 65 години постоење на ОНБ „Браќа Миладиновци“, во Радовиш. Директорти Станој Петров се осврна на почетоците на библиотекта во 1957 година, односно пред 65 години, на иницијатива на Морис Романо, кога таа била сместена во приватна куќа на местото на сегашната куќа на Методија Ценев со фонд од само 500 книги.
Во продолжение следуваше кратско поетско читање во чест на Караманов и претставување на наградените поети со интернационалната награда „Ацо Караманво 2022“.
Промоција на наградената книга „Животот на сликарите“ од Константин Северин и „Осудените градови“ од Хозе Едуардо Деграсија изврши проф. д-р Даниела Андоновска Трајковска. Како и промоција на Поетската антологија на 49 Караманови поетски средби од страна на Борче Понав.
На крајот следуваше доделување на наградата „Караманов“ за 2022 година на Мисоски за книгата „ЕФЕМИДИ“ која утре на вториот ден од карамановите средби, ќе биде промовирана.
Инаку Карамановите поетски средби и годинава се одржуваат под покровителство на Општина Радовиш финансирани преку ОНБ Браќа Миладиновци, а во организација на Центарот за култура Ацо Караманов од Радовиш и Советот на Карамановите поетски средби. Манифестацијата беше пропратена со музички варијации од маестралните Ицов и Таушанов.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Апасиев од Велес: На овие избори одиме на двоцифрен број пратеници
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
Мицкоски од Охрид: Нашата цел е да ја вратиме Македонија во рацете на народот
Движењето ЗНАМ ја презентира програмата “Проглас за достоинствена Македонија”на митинг на градскиот плоштад во Куманово
