Во Мајкрософт
се свесни за зголеменото противење на јавноста за употребата на технологијата
за препознавање лица и поради тоа затвораат важен проект. Компанијата најави
дека ќе ја „пензионира“ технологијата за која велат дека може да препознае
емоции, како и карактеристики како што се возраста, полот и бојата на косата на
субјектот. Вештачката интелигенција покренува проблеми со приватноста, рече
Мајкрософт, а понудата на таква рамка создаде потенцијал за дискриминација и
други злоупотреби. Исто така, немаше јасен консензус за дефиницијата на
емоциите, ниту начин да се создаде општа врска помеѓу изразите на лицето и емоциите.
Новите
корисници на рамката за програмирање на лицето на Мајкрософт веќе нема да имаат
пристап до функциите за да ги согледаат тие атрибути. Сегашните корисници ќе
можат да ги користат до 30 јуни 2023 година. Мајкрософт ќе продолжи да ја става
технологијата во „контролирани“ алатки за пристапност, како што е Seeing AI за
луѓе со проблеми со видот.
Мајкрософт не е
првата компанија која ја преиспита технологијата за препознавање лице. IBM ја
прекина работата во таа област поради загриженоста дека нивните проекти би
можеле да се користат за кршење на човековите права. Ова претставува голем
пресврт. Една од најголемите компании за облак и компјутери во светот се
оддалечува од развојот на вештачката интелигенција, а тоа би можело да има
големо влијание врз индустријата.