Радовиш беше домаќин на Трибина на градоначалниците од Југоисточниот регион кои се од редовите на ВМРО -ДПМНЕ
Синоќа во Радовиш беше одржана Трибина на градоначалниците од Југоисточниот регион и претставници од Советот каде мнозинството се од редовите на ВМРО-ДПМНЕ, а во организација на ОК на ВМРО – ДПМНЕ од Радовиш. Поточно дел од трибината беа градоначалниците од општините Радовиш, Гевгелија, Конче, Ново Село, Босилово и Василево, како и претставници на повеќе комисии на ВМРО-ДПМНЕ.
„Ова е една од серијата на трибини кои се во организација на повеќе централни комисии на ВМРО-ДПМНЕ, каде главни теми се размена на искуства и идеи со цел подобро планирање на општинските буџети, како и мерки за ублажување на ефектите од светската економска и енергетска криза“, рече Марјан Ристески, Претседател на комисијата за локална самоуправа на ВМРО-ДПМНЕ.
На трибината која што се одржа во Центарот за култура „Ацо Караманов“ пред присутните дискутираа , Синиша Ивановски, Претседател на Комисијата за инфраструктура, урбанизам и транспорт, Ацо Ристов, Градоначалник на Општина Радовиш, Сашко Стоиловски, член на Советот на Општина Гевгелија, Златко Ристов, Градоначалник на Општина Конче, Ристо Манчев, градоначалник на Општина Босилово, Славе Андонов, градоначалник на Општина Василево и Ѓорѓе Божинов, градоначалник на општина Ново Село.
На трибината говорниците ја потврдија потребата од транспарентно креирање на буџетот со што е можно поголема вклученост на граѓаните, што придонесува за носење на квалитетен буџет кој ќе може да ги вклучи барањата и потребите на што е можно повеќе страни и области.