Дојран
Градоначалникот Ангов, потпиша договор за реконструкција на три локални патишта во Дојран за кои се обезбедени 30 милиони денари
Објавено на
Од
Media Press
Вложуваме преку 30 милиони денари за подобрување на локалната патна мрежа во Дојран, обезбедуваме регионален раст и развој и подигнување на туристичкиот потенцијал на Дојранскиот регион, истакна министерот за транспорт и врски, Благој Бочварски, кој денеска беше во работна посета на општина Дојран.
Министерот Бочварски оствари средба со градоначалникот на Дојран, Анго Ангов, со кој го потпишаа договорот за реконструкција на три локални патишта во Дојран, за чија инвестиција обезбедени се средства од централната власт преку Проектот за поврзување на локални улици и патишта.
„Денеска заедно со градоначалникот Ангов го потпишавме договорот за реконструкција на три локални патишта кои општина Дојран ги означи како приоритетни и тоа во населените места Црничани, Николиќ и Фурка. Преку Министерството за транспорт и врски за овие 3 локални патишта обезбедивме речиси 26 милиони денари. Постапката за избор на изведувач е завршена, изведувачот е спремен со механизација да започне со градежни активности во секој момент. Го развиваме Дојран и околината, го подобруваме квалитетот за живот на граѓаните, но најважно од се го подобруваме и туристичкиот потенцијал на целиот регион.“ – изјави министерот Бочварски.

„Од големо значење се средствата и поддршката која ја добиваме од централната власт. Ние и во претходниот период работевме на неколку места во Дојран, реализиравме проекти со средства од Владата. Сакам да потенцирам дека поддршката продолжува, соработката со Министерството за транспорт и врски е одлична, така ќе биде и во целиот нареден период, бидејќи само така заеднички можеме да постигнеме повеќе за нашите граѓани и за Дојран.“ – изјави градоначалникот на Дојран, Ангов.
Во рамки на посетата министерот Бочварски и градоначалникот Ангов извршија увид и во реконструкција на водоводниот систем во населеното место Фурка.
Поврзани содржини

За поставување на фотонапонски електро-централи ќе бидат потребни само три документи

Бочварски и Спасовски: Во тек е постапка за одземање на лиценцата за работа на превозникот

Министерот Бочварски, го означи завршувањето на реконструкцијата на регионалниот пат Радовиш-Плачковица

Бочварски: Преку 700 милиони евра инвестираме за модернизација на Коридор 8

Годинава ќе започне изградбата на гасоводот од Неготино до Гевгелија, проектот е готов
Дојран
Со „Дојран Гурман Фест“ започнува туристичката сезона
Published
5 месеци agoна
јуни 17, 2026By
Media Press
Со „Дојран Гурман Фест“ традиционално го означуваме почетокот на туристичката сезона – период кога Дојран повторно станува место на средби, доживувања, култура и незаборавни летни спомени.
Фестивалот низ годините прерасна во препознатлив симбол на нашиот град, промовирајќи ги автентичните дојрански вкусови, богатата традиција и гостопримството по кое сме надалеку познати.
Годинава, токму во срцето на Нов Дојран, повторно се собраа љубители на традиционалната храна, културата и добрата музика, потврдувајќи дека Дојран е една од најатрактивните туристички дестинации во регионот.Но ова е само почеток.
Пред нас е лето исполнето со бројни културни, музички, спортски и забавни манифестации. Во рамките на „Дојранското културно лето“, посетителите ќе имаат можност да уживаат во разновидни настани, концерти, фестивали и уметнички содржини кои ќе го збогатат туристичкото доживување и ќе придонесат Дојран да живее во ритамот на летото.
Нашата визија е јасна – Дојран да биде препознатлив не само по природните убавини и езерото, туку и како центар на културни случувања, традиција и современи туристички содржини.
Благодарност до сите учесници, изложувачи, здруженија, уметници и посетители кои и оваа година беа дел од нашиот прекрасен, традиционален настан – „Дојран Гурман Фест“!
Дојран
Илија Тентов ја презеде функцијата градоначалник на општина Дојран од досегашниот, Анго Ангов
Published
1 година agoна
ноември 12, 2025By
Media Press
Со голема чест и уште поголема одговорност денес извршивме примопредавање на четиригодишниот мандат за градоначалник на општина Дојран. Овој чин не е само формална постапка, туку симбол на доверба и надеж што ми ја укажаа граѓаните на нашата општина, вели градоначалникот Илија Тентов кој и официјално ја презеде функцијата од досегашниот градоначалник на Општина Дојран, Анго Ангов.
Тој ветувам дека функцијата ќе ја извршува чесно, одговорно и морално, со комплетна посветеност на интересите на сите жители на Дојран.
„Ќе бидам градоначалник кој слуша, работи и кој стои зад секој свој збор. Дојран не е само место — Дојран е завет. Тој е аманет од нашите предци, луѓе кои со љубов, труд и пожртвуваност го создале ова прекрасно парче земја. Но, Дојран е и ветување за нашите деца, за иднината што треба да ја градиме заедно — поубава, поправедна и посреќна. Заедно ќе докажеме дека кога има искреност, одговорност и визија — напредокот е возможен, а сонот за подобар Дојран е остварлив“ вели Тентов.
Досегашниот градоначалник Ангов им се заблагодари на граѓаните за довербата и подршката во изминатите 8 години .
„Драги сограѓани, другари и пријатели, денес го завршувам мандатот како градоначалник со чувство на гордост, благодарност и исполнетост. Ми беше огромна чест и задоволство и
од сѐ срце Ви благодарам за довербата, поддршката и можноста што ми ја дадовте во изминатите осум години да бидам Ваш градоначалник. Изразувам благодарност до сите мои соработници.
Создававме, градевме, решававме проблеми и ја менувавме нашата општина чекор по чекор. Делата се тие кои зборуваат за нашата љубов кон Дојран!!!
Решававме круцијални проблеми, градевме за нашите деца, направивме општина без долгови, станавме лидер за ЕУ фондови, станавме општина прворангирана по сите финансиски параметри.
Тој му честита на новоизбраниот градоначалник Илија Тентов и му посака успех во работата.
-„Се надевам дека ќе продолжи со проекти кои значат подобар живот за сите граѓани, без делби и поделби, сплотено кон уште успеси“, напиша Ангов на својот ФБ профил.
Дојран
Доделени уверенијата на градоначалникот Тентов и на новите советници во Совет на Општина Дојран
Published
1 година agoна
ноември 11, 2025By
Media Press
На новиот градоначалник на Дојран Илија Тентов, му беше додлено уверението за следниот четиригодишен мандат како градоначалник на Општина Дојран, како и на членовите на новиот состав на Советот.

„Денес го примив уверението за градоначалник на општина Дојран, кое ми го додели Општинската изборна комисија (ОИК Дојран).
Со голема чест, чувство на одговорност и длабока благодарност го започнувам овој мандат што ми го доверивте вие – жителите на општина Дојран, вели Тентов кој додава дека тоа не е само уверение на хартија туку симбол на доверба, надеж и заедничка визија за иднината на општината.
„Мојата канцеларија ќе биде отворена за секој граѓанин.
Верувам дека вистинскиот напредок се гради преку дијалог, искреност и заедничко учество. Вие не сте само жители на општината – вие сте мојот тим, моите соработници, мојата инспирација.
Заедно ќе ја водиме општина Дојран по патот на развојот, транспарентноста и достоинството.
Пред нас има многу работа, но и многу можности. Ќе работиме посветено, чекор по чекор, за Дојран да биде место со кое сите ќе се гордееме – место на просперитет, култура, туризам и пред се човечност.
Благодарам за довербата. Да продолжиме заедно – со срце, визија и љубов кон Дојран, стои во објавата на градоначалникот Тентов.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!












