Јавна регионална дебата „Креирање инклузивна локална средина“ денеска се одржа во ОНБ Браќа Миладиновци“ во Радовиш,  во организација на Општина Радовиш и Здружението „Отворете ги прозорците“. На Јавната дебата присуствуваа голем број гости и учесници покрај од Општина Радовиш и од основните училишта „Крсте Петков Мисирков“ од Радовиш и „Орце Николов“ од Ињево, како и претставници од локалните самоуправи од општините Радовиш и Конче.

Радмила Стојковска Алексова – Претставник од Здружението „Отворете ги прозорците“ истакна дека оваа јавна дебата е дел од проектот „Инклузија на деца со посебни образовни потреби“ подржан од „Детската Фондација Песталоци“.

Околу потреби, иницијативи и планирани чекори за поддршка на инклузијата во општина Радовиш зборуваше Весна Конзулова како претставник од општината.

Целта на оваа дебата е претставници од различни институции од областа на образование и социјална заштита, локални самоуправи, организации, сервисни служби, родители и бизнис заедницата, заеднички да продискутираат за предизвиците и иницијативите за креирање поинклузивни практитки и можности за секое дете.

За улогата на локалната и бизнис заедницата во поддршка на инклузијата  како позитивна практика од организирање фандрејзинг настан  зборуваше Гордана Здравковска директорка на ООУ: Крсте Петков Мисирков, Радовиш.

Две недели по ставањето на камен темелник на новиот Градски пазар во Радовиш, активно се работи и пазарот наликува на вистинско градилиште.

Градоначалникот Ацо Ристов денеска изврши увид во работните активности но и притисок врз изведувачите да се заврши во предвидениот рок.

„Еве како што гледате, по две недели од поставувањето на камен темелник, течат работните активности за изградба на Градскиот пазар. Иако имаше и скептици дека ќе се изгради новиот пазар, јас се надевам дека се ќе биде завршено во предвидениот рок“, рече градоначалникот Ристов .

Градоначалникот апелира до граѓаните за стрпливост и разбирање што работните активности се одвиваат во овој период од годината и што мораше да се направи времена дислокација на пазарот.

Градскиот пазар е еден од капиталните проекти кои ги предложи градоначалникот Ристов во својата програма.

Според Организациониот одбор кој денеска ги соопшти наградените маски на струмичкиот карневал по категориии Газели, Радовиш освојува 1-ва награда, маска со реден број 37, “ Волшебникот од ОЗ“ за групна маска над 50 и повеќе лица.

Односно за категорија А: групна маска со 50 и повеќе лица

1-ва награда, маска со реден број 37, “ Волшебникот од ОЗ“  Газели, Радовиш , во висина од 1.000 евра во денарска противвредност; (69 бода);

2-ра награда, маска со реден број 27 „Тик-Так “, СОУ “Јане Сандански“ Струмица, во висина од 900 евра во денарска противвредност; (61 бода);

3-та награда, маска со реден број  1 „Струмички глуварчиња“, СОУУД “Димитар Влахов“ –Струмица, во висина од 400 евра во денарска противвредност; (54 бода);

3-та награда, маска со реден број  18 „ Ритамот на младоста“, СОУ „Никола Карев„ Струмица,  во висина од 400 евра во денарска противвредност; (54 бода);