Connect with us

Гевгелија

Со две претстави за деца и возрасни, започнува „ГЕВГЕЛИСКО КУЛТУРНО ЛЕТО“

Media Press

Published

на

Oд денеска (4 јули, 2022 година), започнуваат да се реализираат активностите од програмата за културната манифестација „Гевгелиско културно лето“, во организација на ЈОУ Дом на култура „Македонија“- Гевгелија, ЈОУ Пионерски дом- Гевгелија и ЈОУ Библиотека „Гоце Делчев“- Гевгелија.

Денеска, со почеток во 19:00 часот, на платото пред Народниот театар- Гевгелија, по вторпат ќе биде изведена „Волшебното кутивче“, во која учествуваат дечињата, членови на Драмската секција при ЈОУ Дом на култура „Македонија“- Гевгелија.

По завршувањето на детската претстава, на сцената во Народниот театар, со почеток во 20:00 часот, ќе биде прикажано второто издание во Гевгелија на хит-комедијата „Име“ од сопствената продукција на Дом на култура „Македонија“- Гевгелија, а во изведба на возрасната група членови во Драмската секција.

Влезот за претставата чини 150 денари.

Утре (5 јули, 2022 година), „Гевгелиско културно лето“, продолжува со Концертот на дуото Влатко Сапламаев и Кико Раденов, со изведба на домашна и странска музика. Концерот ќе биде одржан на платото пред Народниот театар- Гевгелија, со почеток во 20:00 часот.

Покровител на „Гевгелиско културно лето“ е Општина Гевгелија.

прикажи повеќе
Advertisement

Гевгелија

Приведени три лица во близина на Дојран, за криумчарење мигранти

Media Press

Published

на

Две лица од Радовиш и едно од Скопје, биле приведени во Полициската станица Гевгелија за криумчарење мигранти. Мигрантите биле спроведени во Прифатниот транзитен центар „Винојуг“ во Гевгелија.

Синоќа околу 22 часот и 20 минути кај место викано „Аниште“, во близина на крстосница за с.Фурка, дојранско, полициски службеници од Полициската станица за граничен премин и граничен надзор „Стар Дојран“ ги лишиле од слобода Т.В.(38) од Скопје, Л.А.(66) од Радовиш и П.С.(45) од Радовиш.

При контрола во возило „мазда“ со струмички регистарски ознаки, управувано од Т.В., биле пронајдени седум лица мигранти од Сирија. Додека, пак возилото „фолксваген поло“ со радовишки регистарски ознаки, кое го управувала Л.А., а сопатник бил П.С., служело како претходница.

Мигрантите биле спроведени во Прифатниот транзитен центар „Винојуг“ во Гевгелија, а трите лица биле приведени во Полициската станица Гевгелија. За настанот бил запознаен јавен обвинител и по целосно документирање на случајот против нив ќе биде поднесена соодветна пријава.

Прочитај повеќе

Гевгелија

Пронајден хероин и амфетамин во Гевгелија, приведени две лица

Media Press

Published

на

Вчера околу 15.00 часот, полициски службеници од Одделението за внатрешни работи Гевгелија ги лишиле од слобода А.К.(46) и Ј.Р.(43), двајцата од Гевгелија.

При преглед на патничко моторно возило „ауди“ со гевгелиски регистарски ознаки, управувано од А.К., биле пронајдени 27 пакувања со хероин, а при преглед на Ј.Р., која била сопатник во возилото, бил пронајден амфетамин.

За настанот бил запознаен Јавен обвинител од Основно јавно обвинителство Гевгелија и по целосно документирање на случајот против лицата ќе биде поднесена соодветна пријава.

Прочитај повеќе

Гевгелија

Донесени повеќе одлуки и решенија на 14 -та седница на Општина Гевгелија

Media Press

Published

на

На последната 14 седница, Советот на Општина Гевгелија донесе повеќе одлуки и решенија. Имено, Советот едногласно донесе Одлука за кофинансирање на проектот: „Градење инфраструктура за заштита на животната средина и подобрен квалитет на живот“, со кој Општина Гевгелија ќе аплицира на Oтворениот повик на Центарот за меѓународна соработка и развој на Република Словенија.

Исто така, предмет на расправа беа Годишните планови за вработување на Општина Гевгелија, JОУДГ „Детска радост“- Гевгелија и ЈОУ Дом на култура „Македонија“- Гевгелија за 2023 година, како и Годишните извештаи за работата во 2021/2022, Годишните програми за работа во 2022/2023 година и Годишните програми за екскурзии и други слободни ученички активности во 2022/2023 година на општинските основни училишта.

Од работењето на ЈПКД „Комуналец“- Гевгелија на 14 седница, Советот на Општина Гевгелија дискутираше по Кварталниот извештај за периодот 1 јануари-30 јуни, 2022 година, Измената и дополнувањето на Годишниот план за вработување за 2022 и Годишниот план за вработување за 2023 година.

На оваа седница, беше едногласно донесена и Одлука за исплата на средства од Буџетот на Општина Гевгелија за лекување на лицето Дамјан Хаџи Николов во странство.

Прочитај повеќе