Connect with us

Гевгелија

Тридневната богата, културно-уметничка програма по повод Спасовден- Патронот на градот Гевгелија

Media Press

Published

на

Отворена тридневната богата, културно-уметничка програма по повод Спасовден- Патронот на градот Гевгелија, која ја организира ЈОУ Дом на култура „Македонија“- Гевгелија.

„Нека ни е честит празникот Спасовден, кој го означува Христовото вознесение. Нека ни донесе здравје, благосостојба и разбирање. Нека Спасовден и натаму ги штити сите граѓани на Општина Гевгелија и не води кон подобра иднина. Да сте ми здрави и живи, истакна градоначалникот на општина Гевгелија, Андон Сарамандов, во својата честитка до граѓаните, на отворањето на манифестацијата по повод Спасовден.

Пред почетокот на традиционалната манифестација „Распеана чаршија“, исто така, честитка упати и Мирјана Крстева Массетти, директорката на ЈОУ Дом на култура „Македонија“- Гевгелија, запознавајќи ги присутните со активностите.

Во предвечерието на Празникот, на платото пред споменикот на Сава Михајлов, продефилираа фолклорните групи и ансамбли: „Распеани гевгеличани“, „Распеани валандовчани“, Пејачката група на ЗП Кавадарци „Никола Бадев“, ВИА „Распеани струмичани“ и Пеjачката група на Здружението на пензионери „Сава Михајлов Гевгелија“, кои се претставија со староградска песна и музика.

Во духот на традицијата и богатото фолкорно минато, веднаш потоа беше отворена Изложба на фотографии и презентација на видео- материјали за „Манастирите и црквите во Гевгелиско (Стара Гевгелија)“. Беа изложени фотографии од неколку локации во градот, на кои се прикажува стара, архаична, градска архитектура на заштитени споменици, во придружба на облековна култура од периодот на Ала франга.

Градоначалникот на општина Гевгелија, Андон Сарамандов, денеска, во утринските часови, присуствуваше на Свечената Златоустова Литургија по повод големиот христијански празник Вознесение Христово- Спасовден. Литургијата се служеше во манастирот „Св. Спас“, а со неа чиноначалствуваше отецот Љупчо Миланов.

Пред многубројните верници собрани во манастирската црква „Свети Спас“, отецот Миланов упати благослов до Градоначалникот, како и до сите граѓани и добредојденци во општината, без разлика на нивната религија. „Градоначалниче, нека ова биде за спасение ваше и на целата општина. Да се молиме за здравје и спасение за сите православни христијани кои живеат во неа, но и за сите оние кои иако не се православни христијани, дошле во Гевгелија да си најдат свој дом“, истакна отецот Миланов при осветувањето на спасовденскиот колач.

Гевгелија

Приведени три лица во близина на Дојран, за криумчарење мигранти

Media Press

Published

на

Две лица од Радовиш и едно од Скопје, биле приведени во Полициската станица Гевгелија за криумчарење мигранти. Мигрантите биле спроведени во Прифатниот транзитен центар „Винојуг“ во Гевгелија.

Синоќа околу 22 часот и 20 минути кај место викано „Аниште“, во близина на крстосница за с.Фурка, дојранско, полициски службеници од Полициската станица за граничен премин и граничен надзор „Стар Дојран“ ги лишиле од слобода Т.В.(38) од Скопје, Л.А.(66) од Радовиш и П.С.(45) од Радовиш.

При контрола во возило „мазда“ со струмички регистарски ознаки, управувано од Т.В., биле пронајдени седум лица мигранти од Сирија. Додека, пак возилото „фолксваген поло“ со радовишки регистарски ознаки, кое го управувала Л.А., а сопатник бил П.С., служело како претходница.

Мигрантите биле спроведени во Прифатниот транзитен центар „Винојуг“ во Гевгелија, а трите лица биле приведени во Полициската станица Гевгелија. За настанот бил запознаен јавен обвинител и по целосно документирање на случајот против нив ќе биде поднесена соодветна пријава.

Прочитај повеќе

Гевгелија

Пронајден хероин и амфетамин во Гевгелија, приведени две лица

Media Press

Published

на

Вчера околу 15.00 часот, полициски службеници од Одделението за внатрешни работи Гевгелија ги лишиле од слобода А.К.(46) и Ј.Р.(43), двајцата од Гевгелија.

При преглед на патничко моторно возило „ауди“ со гевгелиски регистарски ознаки, управувано од А.К., биле пронајдени 27 пакувања со хероин, а при преглед на Ј.Р., која била сопатник во возилото, бил пронајден амфетамин.

За настанот бил запознаен Јавен обвинител од Основно јавно обвинителство Гевгелија и по целосно документирање на случајот против лицата ќе биде поднесена соодветна пријава.

Прочитај повеќе

Гевгелија

Донесени повеќе одлуки и решенија на 14 -та седница на Општина Гевгелија

Media Press

Published

на

На последната 14 седница, Советот на Општина Гевгелија донесе повеќе одлуки и решенија. Имено, Советот едногласно донесе Одлука за кофинансирање на проектот: „Градење инфраструктура за заштита на животната средина и подобрен квалитет на живот“, со кој Општина Гевгелија ќе аплицира на Oтворениот повик на Центарот за меѓународна соработка и развој на Република Словенија.

Исто така, предмет на расправа беа Годишните планови за вработување на Општина Гевгелија, JОУДГ „Детска радост“- Гевгелија и ЈОУ Дом на култура „Македонија“- Гевгелија за 2023 година, како и Годишните извештаи за работата во 2021/2022, Годишните програми за работа во 2022/2023 година и Годишните програми за екскурзии и други слободни ученички активности во 2022/2023 година на општинските основни училишта.

Од работењето на ЈПКД „Комуналец“- Гевгелија на 14 седница, Советот на Општина Гевгелија дискутираше по Кварталниот извештај за периодот 1 јануари-30 јуни, 2022 година, Измената и дополнувањето на Годишниот план за вработување за 2022 и Годишниот план за вработување за 2023 година.

На оваа седница, беше едногласно донесена и Одлука за исплата на средства од Буџетот на Општина Гевгелија за лекување на лицето Дамјан Хаџи Николов во странство.

Прочитај повеќе