Општина Гевгелија во соработка со Комисијата за еднакви можности на жените и мажите при Советот на Општина Гевгелија и Меѓуопштинскиот центар за социјална работа- Гевгелија се приклучија во глобалната Кампања „16 дена активизам за борба против насилство врз жените“ за oдбележување на 25 Ноември, Меѓународниот ден за борба против семејното насилство врз жената.

За таа цел, на јавните места, информативните табли и локалните институции во Гевгелија се залепени транспаренти со пораки за подигање на свеста и можноста за спречување на семејното насилство врз жената, но и спречување на семејно насилство воопшто, и врз мажите и децата:

– Како што ниеден маж нема право да крене рака на својата жена, така и ниедна жена нема право да крене рака на својот маж! Потсети се на ова и спречи семејно насилство!

– Како што ниедна жена не треба да биде навредувана, туку почитувана, така и ниеден маж и ниедно дете не треба да бидат навредувани, туку почитувани! Потсети се на ова и спречи семејно насилство!

– Ниту една жена, ниту еден маж и ниту едно дете не треба да се почувствуваат небезбедно, загрозено и несигурно во својот дом! Потсети се на ова и спречи семејно насилство!

– Никој не треба да трпи семејно насилство! Потсети се на ова и пријави семејно насилство!

– Не дозволувај финансиите во семејството да бидат причина за злоупотреба! Потсети се на ова и спречи семејно насилство!

– Телото на жена, маж или дете не е за искористување и за задоволување на сопствените сексуални нагони! Потсети се на ова и спречи семејно насилство!

– Детето не е за ништо виновно на светот за да биде запоставено! Потсети се на ова и спречи семејно насилство!

– Не сте силни ако ја покажувате својата сила кон послабите!Потсети се на ова и спречи семејно насилство!

– Не дозволувај твојот близок да биде жртва на семејно насилство! Потсети се на ова и спречи семејно насилство!

– И негрижата за старите и изнемоштени лица во семејството се смета за семејно насилство! Потсети се на ова и спречи семејно насилство!

Вчера во 11.30 часот на автопатот Скопје – Гевгелија, во близина на клучка Миравци, полициски службеници од Полициската станица за граничен премин и граничен надзор Богородица го лишиле од слобода Ј.И. (26) од Скопје, затоа што со возило „алфа ромео” со швајцарска национална ознака, превезувал осум лица мигранти (шест од Сирија и две од Пакистан). Претходно, на автопатот кај место викано „Одмаралиште“, тој со возилото не застанал на знак за запирање даден од полициските службеници, но набргу бил запрен и лишен од слобода.

По целосно документирање на случајот, во координација со Јавен обвинител, против Ј.И. ќе биде поднесена соодветна пријава.

Градоначалникот на Општина Гевгелија Андон Сарамандов во својот отчет по повод едногодишниот мандат вели дека и покрај предизвиците и наметнатите проблеми, реализирани биле повќе капитални проекти.

„Измина една година откако ја презедов функцијата Градоначалник на општина Гевгелија. На Локалните избори, во 2021 година, добив силна поддршка од граѓаните која ме обврза да работам посветено и во интерес на граѓаните на општина Гевгелија. Во годината која измина, се соочив со многу непредвидени ситуации и предизвици, но, истовремено 2022 година ќе биде одбележана и како година во која се реализираа повеќе капитални проекти на целата територија на општина Гевгелија. Реализацијата на овие проекти придонесе за подобрување на патната, комуналната и воопшто на целата инфраструктура во општина Гевгелија, истакна Градоначалникот на oпштина Гевгелија, Андон Сарамандов, на вчерашната прес-конференција по повод изминатата една година од преземањето на градоначалничката функција. Во месец март, започна изградба на атмосферска канализација, во должина од 6.500 метри, во Гевгелија, која се протега на потегот од Динќут до Железничката станица, а веќе е изведена атмосферска канализација на две улици во Серменинско маало. Во 2022 година, Негорци доби нов водоснабдителен систем, а изградба на новиот цевковод, која е во завршна фаза, продолжува до населеното место Прдејци, во должина од 6.400 метри. Со поврзувањето на Негорци и Прдејци на водоснабдителниот систем на Гевгелија, жителите од овие населени места ќе го решат проблемот со водоснабдувањето. Во изминатата година, од Буџетот на Општина Гевгелија беа издвоени околу 16.700.000 денари за подобрување на патната инфраструктура“, стои меѓу другото во отчетот на градоначалникот Сарамандов.

Целиот отчет на следниот линк

https://www.facebook.com/https://www.facebook.com/%D0%9E%D0%BF%D1%88%D1%82%D0%B8%D0%BD%D0%B0-%D0%93%D0%B5%D0%B2%D0%B3%D0%B5%D0%BB%D0%B8%D1%98%D0%B0-625386377595598