Радовиш
Започна процесот за изработка на „Стратегијата за Локален Одржлив Развој на општина Радовиш“
Вчера, со почеток во 13:00 часот во просториите на ресторан „МАГ МАРГ“ во Радовиш, се одржа Првата сесија од процесот на изработка на „Стратегијата за Локален Одржлив Развој на општина Радовиш“. На сесијата беше презентирана методологијата за изработка на стратегијата.
„Грижата за локален одржлив развој на општината е основната алка во ланецот за постигнување успех. Во таа насока и со цел долгорочно да обезбедиме поквалитетен живот на граѓаните, започнавме со изработка на „Стратегија за Локален Одржлив Развој на општина Радовиш. Креирањето на сеопфатна стратегија, претставува насока по која треба да се движи општина Радовиш, бидејќи располага со потенцијално богатство кое сеуште е недоволно искористено и има простор за остварување на многу успешни проекти“, рече Игор Чапов како претставник од Општина Радовиш во воведот на вчерашната прва сесија од процесот за изготвување на Стратегијата.
Креирањето на стратегијата ја образложија Александар Јашков и Столе Ѓеоргиев кои се во улога на модератори од граѓански здруженија.
Беа формирани пет работни групи од различни дејности; ЛЕР Јавни и социјални дејности, Животна средина, Економски развој, Урбан развој и Добро управување. кои ќе спроведат анализа на моменталната состојба и ќе ги идентификуваат проблемите на локално ниво, но ќе ги ќе ги потенцираат и слабите и јаките страни во локалниот систем на управување.
Радовиш
Општинска народна библиотека ,,Браќа Миладиновци” – Радовиш го одбележа Меѓународниот ден на книгата и авторското право
Општинска народна библиотека ,,Браќа Миладиновци” – Радовиш го одбележа Меѓународниот ден на книгата и авторското право.
Одбележувањето беше со објавување на резултатите од традиционалниот награден конкурс за ученици од основно образование на тема: ,,Книгата и знаењето – цел универзум” што библиотеката го распиша по повод овој Меѓународен ден.
Во рамките на ова, за најдобра песна беше прогласена творбата на ученичката Јована Ѓоргиева од ПОУ ,,Орце Николов” од село Злеово. За второ наградена песна беше песната на ученикот Ѓорге Газепов од ООУ ,,Крсте Петков – Мисирков” од Радовиш. а третопласирана беше творбата на ученичката Данче Митковска од ООУ ,,Коста Рацин”- од село Подареш.
На останатите учесници на конкурсот како и на менторите на учениците, им беа доделени признанија за учество на конкурсот.
ОУ Никола Карев од Радовиш со пригодна програма го одбележа својот патронен празник. Беше одржана свечена академија и спортски натпревари. Исто така беа доделени и награди и признанија за освоени прво второ и трето место во спортски натпревари и во литературен конкурс, како и благодарници за успешна соработка.
Сашко Јанчев (Носител во ИЕ4) со мерки од изборната програма за Парламентарни избори 2024
СДСМ: СДСМ ја слушна пораката од граѓаните и ја прифаќа
Носителот во ИЕ 4 од Движење ЗНАМ – За наша Македонија Миле Цеков, јавно им се заблагодарува на граѓаните за поддршката
Мицкоски: Работата не е завршена. Победата е голема. Финалето следи на 8 мај
