Трет ден Велигден, православните христијани го слават Воскресението Христово, најважниот верски празник во православниот календар
Воскресение Христово се случило на третиот ден Недела, по
неговата смрт на Велики Петок. Велигденската
служба започнува на полноќ во Сабота спроти Недела
Годинва голем број верници присуствуваа на воскресенските литургии за да го дочекат најголемиот христијански празник Велигден, ден кога Исус Христос
ја докажал својата божествена моќ и воскреснал од мртвите.
Денеска во Црковниот храм Света Троица во Радовиш
се одржа Свет божествена литургија во сослужение на Владиката брегалнички Иларион.
Сите православни христијани во овие денови се поздравуваат со поздравот „Христос воскресе“ на што се одговара „Навистина воскресе“.
Главното обележување на Велигден се вапцани
јајца. Порано се бојадисувале само црвени јајца, а се верува дека овој обичај
потекнува од Марија Магдалена, која според Библијата, однела јајца обоени во
црвена боја пред тогашниот римски цар Тибериј кога се дознало дека Христос
Воскреснал.
Тој и рекол на Марија ќе поверувам дека Исус воскреснал кога јајцата во кошницата ќе станат црвени,
што во истиот момент станале црвени. Иако Велики Петок е најтажниот ден за сите христијани во
светот, Велигден веднаш по Божик се смета за најрадосен христијански празник. Веднаш по дочекувањето
на Воскресението
Христово присутните во црковните храмови и во
домовите се кршат со црвени
јајца. За Велигден се подготвува богата трпеза
со разновидна храна, пред се со јагнешко но и друг вид на месо, салата, колачи,
велигденска торта и блага погача-штрудла и задолжително црвени јајца. Домовите
се украсуваат со разни велигденски украси
Празникот на воскреснувањето на Господ Исус Христос се празнува секоја година во различно време и еден е од т.н. подвижни празници. Кај припадниците на православната вера Велигден секоја година паѓа во период од 4 април до 8 мај.
Дел од деншната Велигденска божествена литургија беше и црковниот хор Свети Спасо Радовишки од Радовиш.