Connect with us

Радовиш

ЈЗУ Здрваствен дом, Радовиш информира дека граѓаните ќе можат да примаат вакцина против Ковид-19 и на плоштадот

Media Press

Published

на

Како што информира ЈЗУ „Здравствен Дом“, Радовиш, Министерството за здравство со поддршка од Светската здравствена организација, УСАИД и УНИЦЕФ почнува со караван за вакцинација против Ковид-19, во 14 општини меѓу кои и Радовиш.

На 23 март со почеток од 10 часот караванот ќе биде во централното градско подрачје односно на плоштадот „Свети Спасо Радовишки“ (кај рибичката) во Радовиш.

„Секој кој е заинтересиран може да го посети караванот и да биде вакциниран“, апелираат од „Здравствен дом“ Радовиш.

Освен во Радовиш, караванот на 24 март од 12 до 16 часот ќе биде на плоштадот  во Струмица и на 25 март од 12 до 16 часот во Ново Село (Струмица), на пазарот.  

 Според последните податоци од МЗ, околу 41 проценти од вкупното население во земјава е вакцинирано со две дози, а само 7 проценти со трета (бустер) доза. Имајќи предвид дека невакцинираната популација има поголем ризик од смртен исход од Ковид-19, во споредба со вакцинираните, тоа значи дека голем дел од популацијата останува незаштитена.

Покрај активностите од караванот за вакцинација кои ќе се реализираат во следните две, граѓаните имаат можност секој ден да се вакцинираат и во здравствените домови во државата.  

„Инаку, статистичките податоци покажуваат дека се намалува старосната граница на заразени од коронавирус кои развиваат тешка клиничка слика на болеста. Меѓу последно евидентираните хоспитализиции и смртни случаи предизвикани од компликации на Ковид-19 во земјава има сè повеќе млади лица, кои се на удар и во најголем ризик во четвртиот бран на пандемијата, така што со овој караван целта е да апелираме до сите категории граѓани кои досега не се вакцинирале, соопштуваат од здравство.    

Радовиш

Околу 300 дечиња од ДГ„ Ацо Караманов“ од Радовиш се подготвуваат за одржување на големата завршна приредба

Media Press

Published

на

Околу 300 дечиња од ДГ „Ацо Караманов“ од Радовиш се подготвуваат за одржување на завршната приредба која традиционачно секој година се одржува по повод испраќањето на идните првачиња во прво одделение.

Овие денови односно на 16 и 18 мај се одржуваат генерланите проби за дечињата подготвени да се претстават пред своите родители и роднини.

„Завршната приредба ќе се одржи во четврток на 19 мај, со што на свечен начин околу 170 дечиња ќе бидат испратени во прво одделение“ рече диркеторката на градинката Љупка Тренчева, која активно беше вклучена во подготовките и генералните проби.

Прочитај повеќе

Радовиш

Избрани нов Лидер и нови членови на Координативното тело на Клубот на млади на Црвен крст Радовиш

Media Press

Published

на

Во просториите на Општинската организација на Црвен крст Радовиш, на 14 мај во саботата беше одржана Конститутивно-изборна седница на која се спроведоа изборите на Клубот на млади на Црвен крст Радовиш за мандатниот период 2022-2024 година.

Конститутивно-изборната седница ја отвори досегашниот ВД Лидер на Клубот на млади Илина Сандева.

Со тајно гласање на членовите за Лидер на Клубот на млади на Црвен крст Радовиш беше избрана Ангела Георгиева, додека пак за Заменик-лидер беше избрана Памела Митева. Избрани беа и членовите на Координативното тело на Клубот на млади на ОО на Црвен крст Радовиш:  Ангела Георгиева -Лидер,  Памела Митева -Заменик лидер, Александра Донева,  Лина Ристова, Ангела Јанкулова, Дајана Гавалугова и Елена Ташкова

За претставник во Советот на млади на Црвен крст на Република Македонија беше избрана досегашниот ВД лидер на Млади- Илина Сандева.

Прочитај повеќе

Радовиш

Одржана првата бизнис средба во Радовиш

Media Press

Published

на

Градоначалникот на Општина Радовиш Ацо Ристов ја одржа првата бизнис средба со претставниците од бизнис секторот во општината.

Според градоначалникот Ристов моторот кој ја придвижува општината е стопанството и бизнис секторот и без успешна релација и соработка со бизнис секторот нема успешна општина.

„Во развиените општества, деловниот ручек на Градоначалникот со стопанствениците е редовна активност – така ќе биде и кај нас. Оваа соработка ја подигаме на највисоко ниво, се со цел заеднички да се избориме за поубав живот на нашите сограѓани“ рече градоначалникот Ристов.

„Ќе продолжиме со чести средби и ќе ги вложиме сите заеднички напори за Радовиш да биде град со кој ќе се гордееме – креирајќи убава иднина за младите генерации. Радовиш е се што имаме. Продолжуваме заеднички да го градиме“ додаде Ристов.

Првата бизнис средба во вид на деловен ручек беше одржана во ресторан Амбасадор во Радовиш и според она што можеше да се забележи на лице место, имаше голем одзив.

Прочитај повеќе