Connect with us

Гевгелија

Триесет дечиња се пријавени за ЛОГОПЕТСКИ ТРЕТМАН од Општина Гевгелија

Media Press

Објавено на

30 дечиња од општина Гевгелија со проблеми во вербалната комуникација се корисници на услугата- бесплатен логопетски третман во ЈОУ Работнички универзитет „Кирил и Методија“- Гевгелија.

Имено, по иницијатива на градоначалникот на општина Гевгелија, Андон Сарамандов, беше распишан Јавен повик, на кој 30 дечиња биле пријавени за користење на услугата. Која, годинава, како мерка е опфатена во Програмата за социјална заштита и заштита на децата. Давател на услугата е Тања Ангелкова, која дипломирала на Медицинскиот факултет во Скопје, и се здобила со звањето логопед, информира Општина Гевгелија.

„Логопетската превентива е значаен дел од логопетската дејност што овозможува навремено откривање и отстранување на говорните проблеми. Со тоа што се отстрануваат говорните проблеми, исто така, и се оневозможува да се појават секундарните психолошки и емоционални проблеми, како и проблемите во социјалната адаптација на децата“, вели Ангелкова.

Во однос на отстапувањата во говорниот развој постојат многу видови на говорни и јазични нарушувања кои се дефинираат како нарушувања на комуникација, развојно растројство на говорот и јазикот, специфично растројство на говорната артикулација, пелтечење како и нарушувања на гласот. За жал, не постои детален податок во општина Гевгелија колку се застапени отстапувањата во говорот кај дечињата.

„Логопедот и навремената консултација со истиот се од големо значење, поточно, тоа придонесува да дознаете дали Вашето дете има одредени говорни отстапувања, односно дали доцни во одредени говорни сегменти и на кој начин би можело тоа да се надмине. Кога е вистинско време? Тогаш кога родителот ќе забележи какви било неправилности во говорот на своето дете. Постојат голем број методи и техники кои ги користат логопедите, така што логопедот одлучува кои од истите да ги примени. Најважно од сè е да бидеме трпеливи бидејќи говорниот развој на детето е процес. Секое дете има свое темпо во напредување. Верувајте во него!“, советува Тања Ангелкова.

Гевгелија

Лишен од слобода за непоседување возачка дозвола

Media Press

Published

на

Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски  регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.

Прочитај повеќе

Гевгелија

МВР: Банкарски службеник од Гевгелија во 13 наврати присвоил пари од сметки на двајца корисници

Media Press

Published

на

Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава

ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.

Прочитај повеќе

Гевгелија

На железничка пруга во Гевгелија било пронајдено повредено лице мигрант

Media Press

Published

на

На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз. 

Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Прочитај повеќе