Вчера Општина Конче доби голема донација од Република Турција- владината организација ,,Тика” предводена од генералниот Кординатор г-дин Halim Omer Soģut , при што беа доделени вкупно четириесет земоделски машини на повеке земјоделци од Република Македонија. Голема благодарност упати градоначалникот на општина Конче, г-н Златко Ристов.

Детската градинка „Ацо Караманов“ во Радовиш подготвена ги дочека дечињата и оваа година. Околу 420 дечиња се распоредени во воспитни групи во објектите на трите градинки  Управна зграда, Детско изворче и Цветови во Радовиш и центрите за ран детски развој во населените места. Директорката Кистина Бехлимова Трајкова им посака добредојде на сите дичиња потенцирајќи дека секој почеток е предизвик но тие се подготвени.

Со исчистени и дезинфицирани простори, опремени со потребниот дидактички материјал и нагледни средства градинките се подготвени да им обезбедат безбедна и сигурна средина за престој, учење и развој на дечињата.

Утринава околу 06.00 часот во Полициската станица Радовиш биле приведени Д.Ј., М.Ј. и С.П., сите од Радовиш. На 05.08.2022 во 06.00 часот на булевар „Александар Македонски“ во Радовиш бил нарушен јавниот ред и мир со физичка пресметка помеѓу Д.Ј., М.Ј. и С.П. од една страна и П.В. и Р.Т. од друга страна, сите од Радовиш. Д.Ј. и С.П. биле задржани во Полициската станица, а се преземаат мерки за целосно расчистување на случајот, информира СВР Струмица, Полициска станица Радовиш.

Утринава било приведено уште едно лице во раните утрински часови. Имено во 04.50 часот во Полициската станица Радовиш бил приведен Ф.Ј.(20) од Радовиш затоа што на улица „Илија Алексов“ во Радовиш агресивно се однесувал кон полициски службеници кои вршеле работни задачи. Лицето било задржано во полициска станица и по целосно расчистување на случајот ќе биде поднесена соодветна пријава.