Connect with us

Македонија

Последна прес-конференција на Никола Димитров во својство на заменик претседател на Владата задолжен за европски прашања

Media Press

Published

на

Заменик претседателот на Владата задолжен за европски прашања Никола Димитров денес одржа прес-конференција по повод заминувањето од оваа функција.

Димитров ги претстави резултатите од раководењето со Секретаријатот за европски прашања – ажурирањето на НПАА, подготовката на националната верзија на acquis-то на Унијата и искористувањето на ИПА средствата и странската помош, по што се осврна на причините за престанок на вршењето на актуелната функција.

Димитров: „Јас не сум човек што се повлекува од битки. Не се повлеков затоа што чувствувам одговорност и сметам дека позициите што ги застапувам во процесот на преговори со Бугарија се исправни и важно е да се одржат. Имав сериозна битка внатре, особено во последната година, во однос и на дефинирањето на националните позиции, значи нивната суштина ама и на стратегијата, односно текот на самите преговори. Таа битка не беше тајна, разликите беа евидентни и во јавните пораки.

Во два наврати кога таа битка кулминираше, за што јавноста не знае, еднаш во Брисел, еднаш во Скопје, јасно кажав дека преку поставените граници нема да дозволам да се помине по каква било цена, а најмалку по цена на мојата позиција во Владата, давајќи до знаење дека со мене внатре за некои работи едноставно нема разговор.

Јас бев и сум целосно подготвен оваа битка да ја терам и понатаму без разлика на функцијата. Знаете, во мојата кариера, во оваа работа, сум сретнал многу влијателни луѓе кои немаат функција, а сум сретнал  и такви кои се на позиција, ама немаат тежина, што вели нашиот народ – не им врви зборот. Мојот збор ве убедувам дека ќе врви и натаму. Ама за тоа да биде така јас треба да сум дома, да сум тука, да сум активен, да сум  гласен и да имам слобода да се борам за моите позиции.“

Во продолжение Димитров образложи дека за неговите позиции немало повеќе место во Владата, што се потврдило и преку понудите за амбасадорската функција: „Не ме изненади посебно и понудата што ја добив – да бидам амбасадор во Вашингтон. Таму каде што бев пред меѓудругото пред 2 децении, пред 20 години, а и таму направивме голема работа во 2004 година со признавањето на уставното име од страна на САД, една од најголемите дипломатски победи.. Тоа не само што ќе ме тргнеше од дома, туку и ќе ми го врзеше зборот  – знаете дека дипломатите додека се на должност немаат право да бидат гласни и јавно да се борат за своите ставови дома.“

Во однос на неговиот иден ангажман, Димитров појасни дека ќе продолжи да остварува влијание во согласност со неговите принципи и вредности.

прикажи повеќе
Advertisement

Македонија

КЗБ:Нема нови рестриктивни мерки, да се почитуваат мерките кои се на сила

Media Press

Published

на

Комисијата за заразни болести на денешниот состанок ја разгледа епидемиолошката состојба во земјата, при што беше заклучено дека минатата недела се забележува благ пораст на бројот на нови случаи (8,5%), што е значително понизок пораст споредено со претходната недела (55,7%) и е во согласност со намалувањето на репродукцискиот број (Р0).

Македонија е во фаза на широка трансмисија, со соодветни капацитети за одговор. Во овие услови, Комисијата не препорачува воведување нови рестриктивни мерки и апелира до граѓаните на совесно однесување и почитување на мерките кои се на сила, како што се: задолжително носење заштитни маски во здравствените установи, аптеките, во јавниот превоз и во згрижувачките установи. Од особена важност е граѓаните кои имаат симптоми или се сомневаат дека се Ковид позитивни да се однесуваат одговорно и да ги заштитат луѓето околу себе, така што ќе избегнуваат близок контакт со други луѓе и престој во затворени простории без маски.

Останува силната препорака/апел за сите граѓани, а особено за граѓаните кои спаѓаат во ризични групи за потежок тек на болеста да се придржуваат до сите потврдени епидемиолошки мерки за заштита од инфекција, како често и темелно миење или дезинфицирање на рацете, избегнување гужви и престој во затворени и непроветрени простории и носење заштитни маски, како и придржување до препораките за вакцинација против Ковид-19.

Прочитај повеќе

Македонија

УЈП со најнова информација за корисниците на апликацијата МОЈ ДДВ

Media Press

Published

на

Управата за јавни приходи, ги информира корисниците на апликацијата МојДДВ, дека може да се вратат на напредниот скенер на скенирање на фискални сметки. Прилагодената верзија на Мој ДДВ е веќе достапна на Apple appstore, додека Android верзијата е достапна на Huawei app Gallery а за Playstore се очекува во најбрзо време одобрување од страна на Google.

Корисниците на апликацијата Мој ДДВ ќе треба првин да направат ажурирање (update) на апликацијата на apple Appstore/Huawei gallery, а потоа да се најават во апликацијата во делот „Профил„ во прозорчето „Тип на баркод скенер“ наместо, „основен“ повторно да одберат „напреден “.

МојДДВ е мерка за граѓаните и средствата од таа мерка се враќаат кај граѓаните. УЈП, веќе ја почна исплатата на средства за корисниците кои скенирале фискални сметки во второто тромесечје, односно, во месеците април, мај, јуни 2022 година, и по тој основ на сметките ќе бидат исплатени 550 милиони денари, како поврат од МојДДВ.

Прочитај повеќе

Македонија

Од септември 720 образовни асистенти во основните училишта во земјава

Media Press

Published

на

Подигнувањето на степенот на инклузивност на националниот образовен систем е стратешки приоритет и клучна цел во програмата за работа на Министерството за образование и наука, кон која континуирано се насочуваат сé повеќе средства и активности во чија реализација се вклучуваат голем број општествени чинители.

Во таа насока е воведена и услугата образовна асистенција како обврска на државата уредена со закон. Односно ангажирањето на образовни асистенти за учениците со попреченост кои следат настава во редовните основни училишта повеќе не е грижа и трошок за семејствата на учениците, информираат од Министерството за образование.

Минатата учебна година, беа ангажирани 500 образовни асистенти, од кои 260 во скопскиот, кумановскиот и полошкиот регион и 240 асистенти во други три региони, односно по 80 асистенти во вардарскиот, југоисточниот и пелагонискиот регион.

Имајќи ги предвид искажаните потреби на родителите на учениците со попреченост, во новата учебна 2022-2023 година, ќе бидат ангажирани вкупно 720 образовни асистенти, а јавните огласи за пријавување на заинтересираните, во следните неколку денови ќе ги објават основните училишта со ресурсни центри кои воедно и се задолжени за спроведување на целата постапка за селекција.

Согласно Правилникот за нормативот, описот на компетенциите и работните задачи на образовниот и личниот асистент, образовен асистент може да биде лице кое сестекнало со звање: специјален едукатор и рехабилитатор, педагог, психолог, социјален работник, социјален и рехабилитациски педагог со завршено VII/1 степен т.е. VIA според македонската рамка на квалифкациии  МРК или 240 ЕКТС, како и лице кое што ги исполнува условите за наставник воодделенска настава (VII/1 степен т.е. VI A според МРК  или 240 ЕКТС), односно наставник во предметна настава (VII/1 степен т.е. VI A според МРК  или 240 ЕКТС)     

По конечниот избор, образовните асистенти се вработуваат во основните училишта со ресурсни центри, со месечен надомест и платени придонеси од задолжително социјално осигурување.

Министерството за образование и наука ги повикува сите граѓани со соодветно образование и со желба за работа со ученици со попреченост, да ги следат веб страниците на основните училишта со ресурсни центри и да се пријават на повикот од соодветното училиште за кое се заинтересирани. 

Прочитај повеќе