Connect with us

Радовиш

Советот на Општина Радовиш ја одржа втората седница на која беа формирани комисии

Media Press

Published

на

Советот на општина Радовиш денеска ја одржа втората  работна седница во салата за состаноци во зградата на општина Радовиш со почеток од 14.00 часот.

Согласно предвидениот дневен ред за седницата беа предвидени три точки за работа.

1.Предлог -Решение за формирање на постојани комисии на Советот на Општина Радовиш.

2.Предлог -Решение за формирање комисија за изготвување Предлог – Програма за работа на Советот на Општина Радовиш за 2021 година.

3. Усвојување на извештајот од работното тело на Советот на Општина Радовиш.

На крајот беше ставен на усвојување и записникот од првата седница а пред неговото усвојување се разви дискусија помеѓу советниците.

прикажи повеќе
Advertisement

Радовиш

Одиграна премиерата на претставата ,,Волшебникот и пријателите” во која беа вклучени и дел од лицата со попреченост

Media Press

Published

на

Успешно одиграна премиерата на претставата ,,Волшебникот и пријателите” Проект на Центар за култура ,, Ацо Караманов ” – Радовиш, подржан од Министерството за култура.

Станува збор за заеднички проект во соработка на група средношколци и дел од лицата со попреченост, корисниците на дневниот центар Порака од Радовиш. Средношколците се најдоа во улога на глумци аматери, некои од нив за прв пат стапнаа на сцена и го совладуваа својот страв / срам од јавен настап.

„Прв пат соработуваат и совладуваат активности заедно со лица со попреченост, штитеници од дневен центар. Преку заеничките проби често имаа прилика да се стават во “обувките на другиот” и од друга перспектива да ја градат менталната слика. Ова им помогна да создадат силни и искрени врски и да ја развијат емпатијата кон другиот до себе“, вели Изабела Ангелова директор на Центарот за култура Ацо Караманов која беше и корегораф на претставата.

Таа додадава дека децата изградиле однос полн со доверба кон средношколците, ги вклучиле во својот свет, горди дека се дел од една поголема слика.

 „Знаат дека истата ќе дојдат да ја видат и други луѓе, надвор од нивното вообичаено опкружување. Впечатокот кој го остава оваа аматерска театарска група е дека навистина секој може да оствори нешто повеќе од вообичаеното, само треба да му се даде шанса и да му се отвори просторот“, вели Ангелова, која додава дека  ќе треба да работиме на одржливост на позитивните искуства и практики, а ова е една од нив.

Прочитај повеќе

Радовиш

Општина Радовиш започнува со реализација на кампањата „ПАРКИРАЈТЕ СОВЕСНО И ОДГОВОРНО“

Media Press

Published

на

Општина Радовиш започнува со реализација на кампањата „ПАРКИРАЈТЕ СОВЕСНО И ОДГОВОРНО“, чија главна цел е – во најблиска иднина воведување на зонско паркирање за граѓаните на општина Радовиш.

„Свесни сме за секојдневните проблеми со кои се соочувате во делот на паркирањето на вашите возила и затоа ја очекуваме Вашата поддршка на овој проект за еднаш и засекогаш да ги надминеме овие проблеми.

Во тек е изработка на нова физибилити студија во која ќе бидат опфатени изградба на нови и регулирање на постоечките паркинг места како и целосно ставање под контрола на паркирањето во нашата општина“, велат од  Општина Радовиш.

Инаку решавање на проблемот со паркирањето во Радовиш беше едно до основните ветувања во програмата на градоначалникот Ацо Ристов.

Прочитај повеќе

Радовиш

Проект „Да им читаме од најрана возраст“ реализиран во библиотеката во Радовиш по повод Месецот на книгата

Media Press

Published

на

По повод Месецот на книгата  во Општинската народна библиотека „Браќа Миладиновци“од Радовиш  беа организирани повеќе активности, во рамките на  Проектот со наслов „Да им читаме од најрана возраст“ поддржан од Министерството за култура.  Одбележувањето  започна со промоција на сликовниците „Стефан во магичниот град“ и Стефан на прошетка со Ками во Египет“ од авторката Александра Велинова.

Исто така беше органзирана и креативна работилница со Никола Темков заедно со дечињата од прво и второ одделение од основните училишта од Радовиш.  

Никола Темков им покажа на најмалите како ислустраторот го оживува зборот на авторот и ја пренесува пораката по визуелен пат. Во една весела и пријатна атмосфера на учениците им го откри патот на настанувањето на една сликовница.  

Проектот „Да им читаме од најрана возраст“ настана од љубовта на библиотекарите кон литературата за деца до 7 години и онаа која ги поттикнува навиките за читање, го мотивира одењето во библиотека, создава семејни ритуали на читање и отвара нови врати за мечтаење. Тоа се сликовниците со кои децата започнуваат да се дружат од најмала возраст и се голем пријател на децата“, вели директорка на библиотеката “Браќа Миладиновци” во Радовиш, Иванка Соколова.

 Таа ги додели и наградите за најдобрите творби и благодарници за учество на учениците и нивните ментори  во наградниот конкурс, кој Библиотеката го распишува за учениците од основните училишта од општина Радовиш. Исто така беше отворена и изложба на талентираната 15 – годишна ученичка  Ангела Јнакулова од Радовиш.

Прочитај повеќе